అందంతో అక్కడా దున్నేస్తానంటున్న కాజల్

ఇప్పుడు తెలుగు హీరో, హీరోయిన్స్ దృష్టి అంతా తమిళ ఫీల్డ్ మీద ఉంది. అక్కడా ఇక్కడా దున్నేయాలని అంతా ద్వి భాషా చిత్రాలు ప్లాన్ చేసుకుంటున్నారు. ముఖ్యంగా తమన్నా తమిళంలో హిట్టవటం చాలా మందిని ఆ దిసగా ప్రేరేపించింది. ఇలియానా ఇప్పటికే వేడి చిత్రంతో విక్రమ్ తో జతకడితే...హన్సిక ఆల్రెడీ ధనుతో ఓ సినిమా పూర్తి చేసేసింది. మరో ప్రక్క మగధీర ప్రక్కన చేసిన కాజల్ నేనేం తక్కువ అన్నట్లు తానూ 'నాన్‌ మహాన్‌ అల్ల' చిత్రంలో అడుగెట్టింది. తెలుగులో ఆవారా, యుగానికొక్కడు చిత్రాలతో పరిచయమైన కార్తీ ప్రక్కన ఈ చిత్రంలో కాజల్ చేస్తోంది. అలాగే ఈ చిత్రం తెలుగు, తమిళ భాషల్లో ఒకేసారి రూపొందించనున్నారని సమాచారం. ఇది క్లిక్ అయితే తమిళంలో సెటిల్ అయిపోయినట్లే అంటోంది. ఇంతకుముందు కూడా కాజల్..తమిళంలో భారతీరాజా చిత్రం 'బొమ్మలాట్టం' లో చేసింది కానీ వర్కవుట్ కాలేదు.