కమల్ కి కాలుతోంది

By Staff

Published: Thursday, April 23, 2009, 7:43 [IST]

తన దశావతారాల్ని చీల్చి చెండాడటాన్ని కమల్ సహించలేకపోతున్నారు. తెలుగు, తమిళ భాషల్లో ఘన విజయం సాధించిన 'దశావతారం" హిందీ అనువాదం ఇటీవల విడుదల కావడం తెలిసిందే! కమల్‌కు హిందీలో ఉన్న గుర్తింపుకు తోడు, హిందీ 'గజిని" చిత్రం ద్వారా అక్కడి ప్రేక్షకులలో ప్రత్యేకమైన ఫాలోయింగ్‌నేర్పరచుకున్న అసిన్‌ నటించిన చిత్రంగానూ పబ్లిసిటీ జరిగింది. దాంతో ఆ వేశంగా ధియోటర్స్ లో దూరిన వాళ్ళకి ఆ సినిమా నచ్చటం లేదు. అంతేగాక 'దశావతారం" చిత్రాన్ని బాలీవుడ్‌ క్రిటిక్స్‌ అరివీర భయంకరంగా చీల్చి చెండాడుతున్నారు. ఇంత చెత్త సినిమా ఇటీవల కాలంలో విడుదల కాలేదని ఏకిపారేస్తున్నారు. అంత భారీ బడ్జెట్ తో చేసిన ఈ చిత్రం ఆ రేంజి క్వాలెటీ లేదంటున్నారు.

ఇక కథనంలో బాగా వీక్ అని తేల్చేసారు. అంతేగాక కమల్ బ్రహ్మణుడు గెటప్ తప్ప మరేమీ గొప్పలగా లేవంటూ రాసాయి. విలన్ ఇంట్రడక్షన్ అయ్యాక కథ, కథనాలు దారి తప్పాయని, క్లైమాక్స్ అనవసరమైన నసతో ముగించారంటూ రాశాయి. అయితే కమల్ వంటి నటుడు చేసిన గొప్ప ప్రయత్నంగా పొగిడాయి. ఇక వీటిన చూసి కమల్ మండిపడుతున్నాడు. ఇక్కడ జనాలకు నచ్చిన చిత్రం అక్కడ వారికి నచ్చకపోవటాన్ని తప్పుపడతున్నారు. దక్షిణాది చిత్రాలపై ఉన్న చిన్న చూపే ఇలాంటి కామెంట్స్ కు చోటిచ్చిందంటూ ముంబయికి చెందిన మీడియాకు ఇంటర్వూలో ఆవేశంగా చెప్పుకొచ్చాడు. ప్రస్తుతం కమల్..వెంకటేష్ తో కలిసి ఈనాడు చిత్రంలో నటిస్తున్నాడు. ఎ వెడ్నస్ డే చిత్రానికి రీమేక్ గా ఈనాడు తెరకెక్కుతున్న సంగతి తెలిసిందే.

More from Filmibeat