శ్రియకు 'కమల్' స్పెషల్ గిప్ట్ ?

By Staff

Published: Wednesday, March 11, 2026, 17:00 [IST]

ఈ రోజు శ్రియ తన 26 వ పుట్టిన రోజుని గ్రాండ్ గా సెలిబ్రేట్ చేసుకుంటున్న సంగతి తెలిసిందే. అయితే ఈ పుట్టిన రోజుకో స్పెషాలిటీ ఉంది. సాధారణంగా పుట్టినరోజులకు పార్టీలకు దూరంగా ఉండే కమల్ హాసన్ ఈ ఉదయమే ఎర్లీ హవర్స్ లో ప్రత్యేకమైన గిప్ట్ ఇచ్చి మరీ ముందుగా విషెష్ చెప్పాడుట. దాంతో ఆమె చాలా హ్యాపీ ఫీలవుతోంది. ఈ విషయాన్ని మీడియా తో చెపుతూ ఆ గిఫ్ట్ ఏమిటన్నది రహస్యమని...అయితే జీవితాంతం గుర్తిండిపోయేదని చెప్పింది.

విషయమేమిటని రెట్టించి అడిగితే 'మర్మయోగి'లో ఆఫర్ ఇవ్వటమే పెద్ద గిప్ట్ అని చెబుతూ మిగతాది తర్వాత రివిల్ చేస్తానని ముసిముసి నవ్వులతో చెప్పింది. కె.ఎస్.రవికుమార్ దర్శకత్వంలో రెడీ అవుతున్న 'జగ్గుభాయ్' షూటింగ్ నుంచి వచ్చిన ఆమె ఈ రాత్రి ముంబయిలో పెద్ద పార్టీ ఎరేంజ్ చేస్తోంది. తన క్లోజ్ ఫ్రెండ్స్ గా చెప్పుతున్న త్రిష,రీమా సేన,మరికొందరు సినీ ముఖ్యలు తప్ప వేరే వారిని పిలవలేదుట. తన తల్లితండ్రులు,బంధువుల సమక్షంలో ఈ ఫంక్షన్ చేసుకోవాలని నిర్ణయించుకుందిట.

More from Filmibeat