For Quick Alerts
    ALLOW NOTIFICATIONS  
    For Daily Alerts

    ఇంటిని స్వాధీనం చేసుకున్నా : కమల్‌

    By Srikanya
    |

    చెన్నై : 'విశ్వరూపం' కష్టాలనుంచి మొత్తానికి కమల్ పూర్తిగా బయిటపడుతున్నారు. ఆ చిత్రం కోసం తాకట్టు పెట్టిన ఇంటిని తిరిగి స్వాధీనం చేసుకున్నట్లు కమల్‌హాసన్‌ ప్రకటించారు. ఆయన హీరోగా నటించి, స్వీయదర్శకత్వంలో నిర్మించిన 'విశ్వరూపం' చిత్రం విడుదలలో సమస్యలు ఎదుర్కొన్న విషయం తెలిసిందే. ఈ సందర్భంగా అప్పుడు మీడియా సమావేశం నిర్వహించి కమల్‌హాసన్‌ 'విశ్వరూపం' కోసం తన ఇంటిని తాకట్టు పెట్టానని, చిత్రం విడుదల కాకపోతే ఇంటిని కోల్పోయి తాను దేశాన్ని విడిచి వెళ్లిపోతానని ఆవేదన వ్యక్తం చేసారు.

    ఈ విషయమై కమల్‌హాసన్‌ మాట్లాడుతూ.. ఇంటిని తిరిగి స్వాధీనం చేసుకున్నా, జాతీయ బ్యాంకులో తిరిగి తాకట్టు పెట్టినట్లు తెలిపారు. విశ్వరూపం భారీ వసూళ్లే సాధించిందని, ఆ లాభాలు తనకు ఇంకా అందలేదని, అందిన వెంటనే బ్యాంకు నుంచి కూడా తన ఇంటిని స్వాధీనం చేసుకోనున్నట్లు పేర్కొన్నారు. విశ్వరూపం చిత్రం ద్వారా తాను పాఠం నేర్చుకున్నానని ఆయన వివరించారు.

    వివాదాలతో మొదలైన 'విశ్వరూపం' భాక్సాఫీస్ వద్ద కొత్త రికార్డులు క్రియేట్ చేస్తోంది. ఈ చిత్రంతో కమల్‌ తనకు సాటిలేదని మరోసారి ప్రూవ్ చేసి, రికార్డులు సృష్టిస్తున్నాడు. ఇటీవలే రూ.100 కోట్లకుపైగా వసూళ్లు సాధించింది. ఇప్పుడు ఆ మైలురాయిని దాటిందని కోలీవుడ్‌ వర్గాలు చెబుతున్నాయి. తీవ్రవాదుల నేపథ్యంతో కమల్‌ ప్రయోగాత్మకంగా తెరకెక్కించిన 'విశ్వరూపం' తెలుగు, హిందీ, తమిళ భాషల్లో విడుదలైన విషయం తెలిసిందే.

    న్యూజెర్సీలో జరిగిన కార్యక్రమంలో హీరోయిన్ పూజాకుమార్‌ మాట్లాడుతూ.. ప్రస్తుతం 'విశ్వరూపం' రూ.200 కోట్లు దాటి వసూళ్లు రాబడుతోంది. చిత్ర యూనిట్‌ మొత్తం చాలా సంతోషంగా ఉన్నాం. 'విశ్వరూపం- 2' పనులు శరవేగంగా, జాగ్రత్తగా సాగుతున్నాయి. రెండు, మూడు నెలల్లో విడుదలవుతుందని చెప్పారు. ఈ చిత్రం తమిళనాట విజయవంతంగా ప్రదర్శితమవుతోంది. మరోవైపు పైరసీ వెంటాడుతున్నా ప్రేక్షకులు థియేటర్‌వైపే మొగ్గు చూపుతున్నారు.

    English summary
    After all the controversies and bans slapped by courts, 'Vishwaroopam' has not only managed to see the light of the day, but has crossed the elusive 100-crore mark. And the latest is that he has also got the house he mortgaged to raise funds for the film, back-well, almost.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X