»   »  24న కమల్ హాసన్ కొత్త చిత్రం పూజ

24న కమల్ హాసన్ కొత్త చిత్రం పూజ

By Srikanya
Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts

    చెన్నై : రమేష్‌ అరవింద్‌ దర్శకత్వంలో కమల్‌హాసన్‌ నటించనున్న 'ఉత్తమవిలన్‌'ను ఈ నెల 24న లాంఛనంగా ప్రారంభించనున్నారు. ఇందులో కమల్‌కు ముగ్గురు హీరోయిన్లు ఉండేలా కథను సిద్ధం చేసుకున్నారు. త్రిష, తమన్నా, కాజల్‌ను ఎంపిక చేసినట్లు వార్తలొస్తున్నాయి. 'దృశ్యం' రీమేక్‌లో కమల్‌హాసన్‌ సరసన నటించేందుకు నదియా, సిమ్రాన్‌ల మధ్య పోటీ నెలకొందన్న వార్తల నేపథ్యంలో ఆయన మరో కొత్త చిత్రంలో త్రిష, తమన్నా, కాజల్‌ జోడీ కట్టనున్నారనే వార్త హాట్‌ టాపిక్‌గా మారింది.

    వీరిలో త్రిష ఇప్పటికే కమల్‌తో 'మన్మథన్‌ అంబు'లో నటించగా, మిగతా ఇద్దరు మొదటిసారి ఆయనతో కలిసి పనిచేయనున్నారు. ఇందులో తనతో పాటు తన గురువు కె.బాలచందర్‌ కూడా నటిస్తున్నారని, చిత్రంలోని పాత్రకోసం గడ్డం కూడా పెంచుతున్నానని కమల్‌హాసన్‌ పేర్కొన్నారు. కమల్‌తో కలిసి దక్షిణాదికే చెందిన మరో నలుగురు అగ్ర హీరోలు కూడా ఇందులో కనిపించనున్నారని సమాచారం. వారిలో ఒకరిగా మమ్ముటిని ఎంపిక చేశారు. ఇది పూర్తి హాస్యభరిత కథా చిత్రమని సమాచారం.

    ఈ తరహా చిత్రాలకు సంభాషణలు రాయడంలో రచయిత క్రేజి మోహన్ పేరు గడించారు. ఉత్తమ విలన్ చిత్రానికీ ఆయనే మాటలు రాస్తున్నారు. హాస్యపాత్రలో వివేక్ నటించనున్నారు. ప్రస్తుతం కమలహాసన్ విశ్వరూపం-2 చిత్ర రిలీజ్ హడావిడిలో బిజీగా ఉన్నారు. త్వరలో ఉత్తమ విలన్ తెరకెక్కనుంది. 'పంచతంత్రం'లో కమల్‌తోపాటు ఓ ముఖ్య పాత్ర పోషించారు రమేష్‌.

    రమేష్ అరవింద్ మాట్లాడుతూ.. '' నేను, కమల్‌ మంచి స్నేహితులు. కన్నడలో నేను తెరకెక్కించిన 'రామా శ్యామా భామా'లో కమల్‌ ముఖ్యపాత్ర పోషించారు. ప్రస్తుతం ఆయన 'విశ్వరూపం 2' చిత్రీకరణ పూర్తి చేశారు. నేను కూడా కన్నడ సినిమాలను ఒప్పుకోలేదు. కమల్‌తో 'ఉత్తమ విల్లన్‌' తెరకెక్కించే పనుల్లో ఉన్నా. దీని స్క్రిప్ట్‌ను కమలే రాశారు. పలు సినిమాలలో ఆయనతో కలసి నటించిన అనుభవం ఉంది. మా అభిప్రాయాలను బాహాటంగా చర్చించుకుంటాం. మంచి స్నేహితుడు కావడంవల్ల అడ్వాంటేజ్‌ తీసుకోగలుగుతున్నాను''అని చెప్పారు.

    English summary
    The pooja launch of Kamal Haasan's new film "Uthama Villain", helmed by Ramesh Aravind, will be held in Chennai on 24 February. They will start shooting some sequences in the city before they go in for a schedule break.
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more