రజనీ మ్యాజిక్ గ్యారెంటీ.. కబాలి, కాలా మాదిరిగా నిరాశ ఉండదు.. కార్తీక్ సుబ్బరాజు

కబాలి, కాలా సినిమాల మాదిరిగా

పా రంజిత్ దర్శకత్వంలో వచ్చిన కబాలి, కాలా చిత్రాలు అంచనాలను చేరుకోలేకపోయాయి. ఆ తర్వాత శంకర్ దర్శకత్వంలో వచ్చిన 2.0 చిత్రం రికార్డు వసూళ్లు రాబట్టినా అన్ని వర్గాల ప్రేక్షకులకు చేరువ కాలేదు. ఈ నేపథ్యంలో మాస్ ఎలిమెంట్స్, రజనీ స్టయిల్ తగినట్టుగా పేటను కార్తీక్ సుబ్బరాజు రూపొందించారు.

నేను రజనీ అభిమానిని

కార్తీక్ సుబ్బరాజ్ మాట్లాడుతూ.. దర్శకుడి కంటే ముందు నేను రజనీ అభిమానిని. రజనీ ఫ్యాన్స్‌కు ఎలాంటి సినిమా కావాలో అలాంటి సినిమాను నేను పేట రూపంలో అందించబోతున్నాను. పేట చిత్రంలో పాత రజనీకాంత్‌ను చూస్తారు. ఫ్యాన్స్‌ను రజనీ నిరాశపరచరు అని అన్నారు.

రజనీ మాస్ అప్పీల్‌ను

పేట మూవీ రజనీ మాస్ అప్పీల్‌ను మళ్లీ తెస్తుంది. పూర్వ వైభవాన్ని రజనీకి తెచ్చిపెడుతుంది. కాలా, కబాలి మంచి చిత్రాలే కాని ప్రేక్షకులకు కొంత నిరాశ కలిగించాయి. రజనీ సినిమాల నుంచి ఆశించే అంశాలు కొరవడంతో అభిమానులు సంతృప్తి చెందలేదు.

బలమైన, కంటెంట్‌తో

గత చిత్రాల వల్ల కలిగిన నిరాశలను, అసంతృప్తులను పేట తెస్తుంది. బలమైన, మంచి కంటెంట్‌తో పేటను రూపొందించాను. మాస్ ఎలిమెంట్స్ కథను డామినేట్ చేయకుండా జాగ్రత్తలు తీసుకొన్నాను. రజనీ క్రేజ్‌ను అందించే అంశాలు పుష్కలంగా ఉన్నాయి.

రజనీకాంత్ మేనరిజమ్స్

పేట కథ కొత్తగా ఉటుంది. అన్ని వర్గాలకు నచ్చే కథ ఉంటుంది. రజనీ మేనరిజమ్స్ ఈలలు వేయిస్తాయి. గత చిత్రాలకు ధీటుగా పేట సినిమా ఉంటుంది. రజనీ మాస్ ఎలిమెంట్స్ తెరపై శివతాండవం చేస్తాయనే ధీమాను కార్తీక్ సుబ్బరాజు వ్యక్తం చేశారు.