కుల పిచ్చిగాళ్ళకు చెప్పుదెబ్బ.. రజనీ దర్శకుడి సంచలన వ్యాఖ్యలు, ఆ సినిమా అద్భుతం!

2018 ఉత్తమ చిత్రాలలో

గత కొంత కాలంగా పరియరుమ్ పెరుమాళ్ చిత్రం హాట్ టాపిక్ గా మారుతోంది. తమిళనాట ఈ చిత్రం గురించి విపరీతమైన చర్చ జరుగుతుండడం విశేషం. ఈ చిత్రంసెప్టెంబర్ 28న విడుదలైనా ఇంకా హీట్ తగ్గలేదు. మారి సెల్వరాజ్ ఈ చిత్రానికి దర్శకుడు. 2018 లో విడుదలైన ఉత్తమ తమిళ చిత్రాలలో పరియరుమ్ పెరుమాళ్ చిత్రం ఒకటిగా నిలుస్తుందని అంటున్నారు.

నిర్మాతగా కబాలి డైరెక్టర్

చిన్న సినిమాగా విడుదలైన పరియరుమ్ పెరుమాళ్ చిత్రం పెద్ద విజయంగా నిలిచింది. ఈ చిత్రానికి కబాలి, కాలా చిత్రాల దర్శకుడు పా రంజిత్ నిర్మాత కావడం విశేషం. సూపర్ స్టార్ రజనీకాంత్, దర్శకుడు శంకర్ వంటి ప్రముఖులంతా ఈ చిత్రంపై ప్రశంసలు కురిపించారు.

కులపిచ్చిగాళ్లకు చెప్పుదెబ్బ

తాజాగా పెట్ట దర్శకుడు కార్తీక్ సుబ్బరాజ్ స్పందించాడు. చాలా ఆలస్యంగా పరియరుమ్ పెరుమాళ్ చిత్రాన్ని చూశా. అద్భుతమైన రచన, నటనతో పరియరుమ్ పెరుమాళ్ చిత్రం ఆకట్టుకుంది. కులపిచ్చి గాళ్ళకు ఈ చిత్రం ఒక చెప్పుదెబ్బ అంటూ కార్తీక్ సుబ్బరాజ్ ఘాటు వ్యాఖ్యలు చేశారు.

పరువు హత్యలు

తమిళనాడులో తిరునాళ్ వేలి అనే ప్రాంతంలో తరచుగా పరువు హత్యలు జరుగుతూ ఉంటాయి. ఆ అంశంతో పరియరుమ్ పెరుమాళ్ చిత్రాన్ని తెరకెక్కించారు. ప్రముఖుల ప్రశంసలతో ఈ చిత్రం ఘనవిజయాన్ని సొంతం చేసుకుంది.