Don't Miss!
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- News మోదీ ప్రధాని అయ్యే వరకు నిద్రపోము, ఎవరు మునిగిపోతారో జూన్ 4వ తేదీ తెలుస్తుంది సీఎం గారు !
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Sports రసెల్కు భయపడి ఆ బౌలర్పై వేటు..KKRతో ఆడే RCB తుది జట్టు ఇదే!
- Automobiles సమ్మర్లో కార్లలో వీటిని అస్సలు ఉంచొద్దు.. లేదంటే ప్రమాదాన్ని కొని తెచ్చుకున్నట్లే.!!
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
తల్లి రాధపై కూతురు కార్తీక కంప్లైంట్
కార్తీక మాట్లాడుతూ.. మా కెరీర్కు సబంధించి అమ్మ ఎన్నో సూచనలు, సలహాలు ఇస్తుంటుంది. అవి మాకెంతో ఉపయోగకరంగా ఉంటాయి. అయితే షూటింగ్ ప్రదేశానికి అమ్మ వచ్చినప్పుడు నాకు చాలా కంగారుగా ఉంటుంది. ఒక సన్నివేశం చేస్తున్నప్పుడు.. అమ్మ చూస్తోందే.. బాగా నటించానో లేదో అన్న అనుమానం నా మదిని తొలుస్తూ ఉంటుంది అంది. అలాగే అమ్మ ముందు ప్రేమ, రొమాన్స్ సన్నివేశాల్లో నటించేందుకు ఇబ్బందిగా ఉంటుందని చెప్పింది.
అలాగే సినిమా బ్యాగ్రౌండ్ ఉండటం ఓ రకంగా మంచిదే. ఎందుకంటే సినిమాల్లో సులువుగా ప్రవేశించవచ్చు. కానీ దానివల్ల అవకాశాలు వెతుక్కుంటూ వచ్చేస్తాయని, పెద్దగా కష్టపడకుండానే పేరు వచ్చేస్తుందని అంటే మాత్రం ఒప్పుకోను. ఎంత బ్యాగ్రౌండ్ ఉన్నా, మనకంటూ సొంత ప్రతిభ ఉండాలి. మన నటనతో అందరినీ ఆకట్టుకోగలగాలి. అప్పుడే మంచి పేరు వస్తుంది.
ఇక ఎక్స్పోజింగ్ అనేది ఎంతవరకూ చేస్తున్నామనేదాన్ని బట్టి ఉంటుంది. హద్దులు దాటనంత వరకూ ఏదైనా ఓకే. 'జోష్'లో గ్లామరస్గా కనిపించడానికి అవకాశం లేని పాత్ర నాది. కానీ 'రంగం'లో మోడ్రన్గా ఉండే అమ్మాయి పాత్ర. అందుకే ఓ పాటలో నేను కూడా కాస్త పొట్టిగా ఉన్న డ్రెస్ ఒకటి వేసుకున్నాను. కానీ అది ఎబ్బెట్టుగా లేదు కాబట్టి అందరూ బాగుందని చెప్పారు. ఏదో వేసేసుకోవాలని కాకుండా, ఎంతవరకూ నప్పుతుందో చూసుకుని వేసుకోవాలి. అప్పుడు ఏ సమస్యా ఉండదు అంది.
అందాన్ని కాపాడుకోవడానికి జాగ్రత్తలు తీసుకోవడం అవసరమే. కానీ షూటింగుల్లో బిజీగా ఉంటాం కాబట్టి ప్రతిరోజూ జిమ్కి వెళ్లడం కుదరదు. ఒక్కోసారి అసలు వ్యాయామం చేయడానికి టైమే ఉండదు. అందుకే తీరిక దొరికినప్పుడే చేస్తుంటాను. అయినా నేను క్లాసికల్ డ్యాన్సర్ని. ఏమాత్రం సమయం దొరికినా డ్యాన్స్ చేస్తూనే ఉంటాను. అదే నాకు మంచి వ్యాయామం అంది.