ముదిరిన మూడో పెళ్లి వివాదం.. అర్దరాత్రి అరెస్ట్‌లు.. సారీ చెప్పాల్సిందేనంటూ వనితపై హీరోయిన్ ఫైర్

రచ్చ రచ్చగా మారిన వివాదం..

పీటర్ తనను మోసం చేసిన వనితను పెళ్లి చేసుకున్నాడని ఎలిజబెత్ బయటకు రావడంతో ఈ వివాదం మొదలైంది. షూటింగ్ కోసమే పెళ్లి చేసుకుంటున్నానని, అబద్దాలు చెప్పి తనను మోసం చేశారని పోలీసులకు ఫిర్యాదు చేసింది. అయితే దీనిపై వనిత స్పందిస్తూ.. ఆమె డబ్బు కోసమే ఇదంతా చేస్తోందని ఆరోపణలు చేసింది.

సోషల్ మీడియాలో వైరల్..

సూర్య దేవి, నిర్మాత రవీంద్రన్, కస్తూరీ శంకర్, లక్ష్మీ రామకృష్ణన్ వంటి వారు సోషల్ మీడియాలో వనితను ఏకిపారేయడం ప్రారంభించారు. వనిత చేసింది తప్పేనని, విడాకులు తీసుకోకుండా పీటర్ పెళ్లి చేసుకోవడం చట్ట విరుద్దమని సోషల్ మీడియాలో కామెంట్స్ చేశారు. అందులో మరీ ముఖ్యంగా దేవీ సూర్య యూట్యూబ్‌లో వనితను వ్యక్తిగతంగా దూషించింది.

వనిత ఫిర్యాదు..

సూర్య దేవిపై వనిత పోలీసులకు ఫిర్యాదు చేసింది. దీంతో ఆమెను అర్దరాత్రి పోలీసులు అరెస్ట్ చేశారు. ఇంట్లో పిల్లలు ఒంటరిగా ఉన్నారని చెబితే కూడా వినలేదని ఆమె వాపోయింది. ఈ మొత్తం ఘటనపై కస్తూరీ శంకర్ ఫైర్ అయింది. ఆమె ఎంటరై సూర్య దేవికి బెయిల్ వచ్చేలా చేసింది. ఈ మేరకు ఆమె సోషల్ మీడియాలో వనితపై ఆగ్రహం వ్యక్తం చేసింది.

కస్తూరీ శంకర్ ఫైర్..

పొద్దునే లేవగానే సూర్య దేవిని అరెస్ట్ చేశారనే వార్త తెలిసిందని, తనపై కూడా ఫిర్యాదు చేసిందని కస్తూరి ఫైర్ అయింది. తన మీద ఫిర్యాదు చేయడం కాస్త కామెడీగానే ఉందని పేర్కొంది. సూర్యా దేవీ బెయిల్ మీద వచ్చిందని, తన లాయర్ అంతా చూసుకుంటున్నాడని తెలిపింది. ముఖ్యంగా ఆమె పిల్లలు భద్రంగానే ఉన్నారని పేర్కొంది.

Recommended Video

Ala Vaikunthapurramuloo Bollywood Remake,Star Hero Showing Intrest!

సారీ చెప్పాల్సిందే..

వనిత వ్యక్తిగత నిర్ణయాన్ని తానెప్పుడు జడ్జ్ చేయలేదని, ఆమె హక్కును తాను ఎప్పుడూ సమర్థించాని తెలిపింది. కానీ ఆమె, ఆమె భర్త చేసిన క్రిమినల్ చర్యలను మాత్రం ఖండిస్తున్నానని పేర్కొంది. వనితా సారీ చెప్పాలని, తాను ఎలిజబెత్‌కు సపోర్ట్ చేస్తున్నానని చెప్పుకొచ్చింది.