ఏం జరుగుతోంది? : సత్యం థియేటర్‌పై పెట్రోబాంబు దాడి

కనీసం ముగ్గురు పోలీసులు

ఈ టెన్షన్ లను ప్రక్కన పెట్టి మంగళవారం విడుదలకు సంబంధించిన ఏర్పాట్లను పూర్తి చేసుకుంది. పోలీసు యంత్రాంగం అప్రమత్తమైంది. నగరవ్యాప్తంగా 'కత్తి' చిత్రం ప్రదర్శితమవుతున్న థియేటర్ల వద్ద పటిష్ఠ పోలీసు బందోబస్తును ఏర్పాటు చేసింది. ఒక్కో థియేటర్‌ వద్ద కనీసం ముగ్గురు పోలీసులను ఏర్పాటు చేశారు.

హీరో విజయ్ భరోసా

అభిమానులు భయపడాల్సిన అవసరం లేదని ప్రభుత్వం, పోలీసు యంత్రాంగం తగిన చర్యలు తీసుకుంటుందని చిత్ర హీరో విజయ్‌ కోరారు. 'లికా ప్రొడక్షన్‌' బ్యానరుపై విజయ్‌, సమంత జంటగా నటిస్తున్న ఈ చిత్రం ప్రారంభం నుంచే సమస్యల వలయంలో చిక్కుకుంది.

ఆరోపణ

శ్రీలంక అధ్యక్షుడు రాజపక్సకు 'లికా ప్రొడక్షన్‌'కు సంబంధం ఉందని.. అలాంటి వ్యక్తి తమిళ చిత్రాన్ని నిర్మించడం సముచితం కాదని పలు తమిళ సంఘాలు ఆరోపిస్తున్నాయి. అందువల్లే ఈ సినిమాకు సంబంధించిన విశేషాలు ఇతర అంశాలను కూడా బయటకు పొక్కనివ్వకుండా షూటింగ్ జరిపారు.

నిరసనలు...

ఆడియో విడుదల కార్యక్రమాన్ని కూడా చాలా నిరాడంబరంగా ముగించేశారు. కత్తి సినిమాకు వ్యతిరేకంగా వీసీకే అధ్యక్షుడు తిరుమావళవన్‌తోపాటు పలువురు నేతలు, తమిళ సంఘాలు, పెరియార్‌ద్రావిడ కళగం నిరసన వ్యక్తం చేస్తున్నాయి.

440 థియేటర్లలో..

అనుకున్నట్టుగానే సినిమాను బుధవారం తెరపైకి తీసుకొస్తున్నామని చిత్రవర్గాలు మీడియా తో పేర్కొన్నాయి. రాష్ట్రవ్యాప్తంగా 440 థియేటర్లలో సినిమాను విడుదల చేస్తున్నామని తెలిపాయి. రాష్ట్రవ్యాప్తంగా, ముఖ్యంగా నగరంలో పోలీసు భద్రత అధికంగా వేశారని, అభిమానులు భయపడాల్సిన అవసరం లేదని పేర్కొంది.

ఎమ్మల్యే ప్రకటన

విజయ్‌ నటించిన 'కత్తి' చిత్రాన్ని ప్రేక్షకులు బహిష్కరించాలని ఎమ్మెల్యే జవహిరుల్లా కోరారు. ఈ విషయమై ఆయన మంగళవారం ఓ ప్రకటన జారీ చేశారు. తమిళ జాతికి కీడు తలపెట్టిన రాజపక్స బంధువు ఈ సినిమాను నిర్మించారని.. అలాంటి సినిమాను తమిళులు ఎదుర్కోవాలని డిమాండ్‌ చేశారు.

క్రేజూ బాగానే ఉంది...

ఏఆర్‌ మురుగదాస్‌, విజయ్‌ కాంబినేషన్లో తెరకెక్కుతున్న రెండో చిత్రం 'కత్తి'. విజయ్‌తో సమంత తొలిసారిగా జతకడుతోంది. అనిరుధ్‌ సంగీతం సమకూర్చారు. ఈ సినిమా ప్రారంభం నుంచే పలు సమస్యలను ఎదుర్కొంటోంది. గతంలో ఏఆర్‌ మురుగదాస్‌, విజయ్‌ కాంబినేషన్లో వచ్చిన 'తుప్పాక్కి' భారీ విజయాన్ని సొంతం చేసుకుంది. దీంతో వీరి తదుపరి చిత్రంపై అంచనాలు పెద్దస్థాయిలోనే ఉన్నాయి.

ఇదే డిమాండ్...

ఈ సినిమా తెరమీదకు రావాలంటే.. బ్యానర్ నుంచి లైకా ప్రొడక్షన్స్ పేరు తీసేయాలన్న డిమాండు గట్టిగా వినిపిస్తోంది. ఆ పేరు లేకపోతే మాత్రం సినిమా విషయంలో తమకు ఎలాంటి అభ్యంతరాలు లేవని, వాళ్లు ఆ పేరు తీయకపోతే మాత్రం.. మొత్తం వందకు పైగా తమిళ సంఘాలు ఆ సినిమా తమిళనాడులోని ఏ థియేటర్ లోనూ విడుదల కాకుండా అడ్డుకుంటాయని ఆందోళనకు నేతృత్వం వహిస్తున్న టి.వేల్ మురుగన్ చెప్పారు.

అనుకున్నారు కానీ...

తమిళ అనుకూల వర్గాలు, థియేటర్ యజమానులు, డిస్ట్రిబ్యూటర్లు, సినిమా నిర్మాతల మధ్య సోమవారమే ఓ సమావేశం నిర్వహించి ఈ సమస్యను పరిష్కరించాలని భావించారు. అయితే అనుకున్నట్లు గా జరగలేదు.

విశ్వరూపం కు ఇలాంటి...

విశ్వరూపం సినిమా విడుదల విషయంలో కూడా కొంత గందరగోళం నెలకొనడంతో చాలా వరకు థియేటర్లకు భారీ నష్టాలు వచ్చాయి. అలాంటి పరిస్థితిని కల్పించాలని తాము అనుకోవట్లేదని తమిళనాడు థియేటర్ యజమానుల సంఘం సభ్యుడొకరు తెలిపారు. ఇక విజయ్ ఇంతకుముందు నటించిన 'తలైవా' సినిమా కూడా విడుదల విషయంలో సమస్యలు ఎదుర్కొంది.

డిఫెరెంట్ గా...

మురుగదాస్‌ కథలన్నీ విభిన్నంగా ఉంటాయి. షార్ట్‌ టర్మ్‌ మొమొరీ లాస్‌ అనే కథాంశంతో 'గజిని' తీర్చిదిద్దారు. 'రమణ', 'సెవెన్త్‌సెన్స్‌', 'తుపాకీ' కూడా సాధారణ సినిమాలకు విభిన్నంగా సాగేవే. అందుకే మురుగదాస్‌ సినిమా వస్తోందంటే అందరిలోనూ ఆసక్తి. ఇప్పుడాయన 'కత్తి' పదును చూపించబోతున్నారు. కె.కరుణామూర్తి, ఎ.శుభాస్కరన్‌ సంయుక్తంగా నిర్మించారు. అనిరుథ్‌ స్వరాలు అందించారు.

తెలుగులో ...

తెలుగులో రిలీజ్ చేస్తున్న ఠాగూర్‌ మధు మాట్లాడుతూ ''థ్రిల్లర్‌ నేపథ్యంలో సాగే యాక్షన్‌ చిత్రమిది. సెంటిమెంట్‌కీ చోటుంది. అనిరుథ్‌ స్వరాలు అదనపు ఆకర్షణ. ఈ నెల 31న చిత్రాన్ని ప్రేక్షకుల ముందుకు తీసుకొస్తాము. ఈ నెల 24న 'కత్తి' పాటల్ని విడుదల చేస్తాం ''న్నారు.