గృహ నిర్భంధంలో మణిరత్నం కుమారుడు.. భేష్ సుహాసిని అంటూ ప్రశంసలు

గృహ నిర్బంధంలో నందన్

నందన్ మణిరత్నం తన తల్లిదండ్రులతో కలిసి ఉంటున్నాడు. లండన్ నుంచి రాగానే ఓ గదిని ఐసోలేటెడ్ రూమ్‌గా మలచుకొని స్వీయ నిర్బంధం విధించుకొన్నారు. అతడికి కావాల్సిన వసతులను, అవరసరాలను గ్లాస్ కిటికి నుంచి మాట్లాడుతూ ఏర్పాటు చేస్తున్నారు. తన కుమారుడితో మాట్లాడుతున్న సుహాసిని వీడియోను నటి కుష్బూ విడుదల చేసింది.

సుహాసిని గ్లాస్ కిటికీలో మాట్లాడుతూ..

వీడియోలో సుహాసిని మాట్లాడుతూ.. స్వీయ నిర్బంధంలో ఉన్న నా కొడుకుతో గ్లాస్ కిటికి ద్వారా మాట్లాడుతున్నాను. అతడు మార్చి 18న లండన్ నుంచి తిరిగి వచ్చారు. కానీ అతడికి కరోనా పాజిటివ్ పాజిటివ్‌గా రాలేదు. అయినా ముందు జాగ్రత్తగా ఈ చర్యలు తీసుకొన్నాడు. అతడికి మా కుటుంబం సహకారం అందిస్తున్నది అని సుహాసిని చెప్పడం గమనార్హం.

14 రోజులు ఇంట్లోనే ఉంటా

తల్లి సుహాసిని మాటలకు సమాధానం ఇస్తూ.. ప్రతీ ఒక్కరికి నమస్కారం. గత ఐదు రోజుల క్రితం లండన్ నుంచి తిరిగి వచ్చాను. అప్పటి నుంచి ఒంటరిగా ఇంట్లోనే ఉంటున్నాను. మరో 14 రోజులు ఇంట్లో నుంచి బయటకు రాను. చాలా బోరుగా ఉన్నప్పటికీ.. ఇతరుల క్షేమం కోసం ఇంతకంటే ఏం చేయగలను అని నందన్ మణిరత్నం అన్నారు.

Recommended Video

Ram Pothineni's Red Movie Pre Release Business

This is what responsible people do.. kudos to @hasinimani and #NandanManiratnam So much to learn from them.. my hugs for you are reserved for a better and a safer day Nandan..🙏🙏🙏🙏🙏👍👍👍👍👍 pic.twitter.com/9hnP4QYLae — KhushbuSundar ❤️ (@khushsundar) March 22, 2020

కుష్బూ ప్రశంసలు

తల్లి, కొడుకులు బాధ్యతగా వ్యవహరించడంపై కుష్భూ ప్రశంసల వర్షం కురిపించింది. బాధ్యతయుతమైన వ్యక్తులంటే వీళ్లే.. నందన్ మణిరత్నం, సుహాసినికి నా ధన్యవాదాలు. వారి నుంచి ప్రతీ ఒక్కరు నేర్చుకోవాల్సిన అవసరంఉంది. నందన్ సేఫ్‌గా ఉండాలని కోరుకుంటున్నాను. వారిద్దరికి నా ప్రేమతో కూడిన అభినందనలు అంటూ కుష్బూ వీడియోను ట్వీట్ చేస్తూ మెసేజ్ పెట్టారు.