Don't Miss!
- News ముస్లీం రిజర్వేషన్లపై మాజీ సీఎం సంచలన వ్యాఖ్యలు, మేము వస్తే ఖేల్ కథం !
- Sports IPL 2024: రుతురాజ్ గైక్వాడ్పై అంబటి రాయుడు విమర్శలు.. తప్పుబట్టిన సిక్సర్ల సిద్దు!
- Lifestyle మండిపోయే ఎండలో చల్లగా దద్దోజనాన్ని ఇలా చేసుకోండి..?
- Automobiles మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
విమలా రామన్ పై బ్యాన్ నిర్ణయం
తెలుగులో జగపతిబాబు సరసన చాలా చిత్రాల్లో చేసిన విమలారామన్ గుర్తుండే ఉంటుంది. ఇప్పుడామెపై బ్యాన్ పెట్టేందుకు తమిళ సినీ పరిశ్రమ నిర్ణయం తీసుకోబోతోంది. ఈ మేరకు నిర్మాతల మండలి చర్చించినట్లు సమాచారం. దానికి కారణం ఆమె నటించిన డ్యాం 999 అనే హాలీవుడ్ చిత్రం. ఈ నెల 25న విడుదల కానున్న ఈ చిత్రం తమిళుల మనోభావాల్ని దెబ్బతీయాలన్న లక్ష్యంతో ఈ చిత్రాన్ని రూపొందించినట్లు ఆందోళనలు వెల్లు వెత్తుతున్నాయి.ఎండీఎంకే, పీఎంకే వర్గాలు డ్యాం 999ను అడ్డుకునేందుకు సిద్ధమయ్యాయి. ఈ చిత్రాన్ని నిషేధించాలంటూ డీఎంకే ఎంపీలు బుధవారం పార్లమెంట్లో కేంద్రం పై ఒత్తిడి తెచ్చారు. అదే సమయంలో ఈ చిత్రం విడుదలను అడ్డుకోవాల్సిందేనని డిమాండ్ చేస్తూ డీఎంకే అధినేత కరుణానిధి ఓ ప్రకటన విడుదల చేశారు.
ఆంగ్లేయుల కాలంలో నిర్మించిన ముల్లై పెరియార్ డ్యాం మీద తమిళులకు పూర్తి హక్కు ఉందని తెలిపారు. ఈ హక్కుల్ని కాలరాయాలన్న ఉద్దేశంతో పథకం ప్రకారం డ్యాం 999ను నిర్మించినట్లు అనుమానం కలుగుతోందని పేర్కొన్నారు. కేరళ, తమిళనాడు ప్రజల మధ్య ఉన్న సత్సంబంధాలను ఈ చిత్రం దెబ్బతీసే ప్రమాదం ఉందని ఆందోళన వ్యక్తం చేశారు. ముల్లై పెరి యార్ డ్యాం కట్టలు తెగితే భారీ నష్టం ఉంటుందని ఈ చిత్రంలో ఎత్తిచూపినట్లు సంకేతాలు ఉన్నాయని తెలిపారు. దీనిని బట్టి చూస్తే ముల్లై పెరియార్ డ్యామ్ను కూల్చి వేయించాలన్న లక్ష్యంతోనే చిత్రాన్ని తీసినట్లుగా భావన కలుగుతోందని పేర్కొన్నారు.డ్యాం 999లో నటించిన నటి విమలారామన్ గడ్డు పరిస్థితులు ఎదుర్కొనే అవకాశాలు కనిపిస్తున్నాయి. మలారామన్కు తమిళంలో అవకాశాలు ఇవ్వకూడదని, ఆమె నటించిన ఇతర భాషా చిత్రాల విడుదలను తమిళనాడులో అడ్డుకోవాలని కోలీవుడ్ వర్గాలు నిర్ణయం తీసుకున్నట్లు సమాచారం.