Don't Miss!
- News Modi-Hanuman Chalia:హనుమాన్ ఛాలీసాపై ప్రధాని మోదీ వివాదాస్పద వ్యాఖ్యలు..!
- Finance Banking News: ప్రభుత్వ బ్యాంకులకు ఆ అధికారం లేదు.. బాంబే హైకోర్టు సంచలన తీర్పు..
- Automobiles వందేళ్ల వయసులో తాత జోరు.. 50 ఏళ్ల ప్రీమియర్ పద్మినిలో షికారు.. వీడియో చూసేయండి
- Sports IPL: నైట్ అంతా సిట్టింగ్ వేస్తే ఎలా గెలుస్తారు?- రైనా
- Technology అద్భుతమైన డిజైన్ తో నోకియా కొత్త ఫోన్ Nokia N90 Flip ! వివరాలు
- Lifestyle నిద్రపోకపోతే వచ్చే సమస్యలివే.. తీవ్రంగా హెచ్చరిస్తున్న పరిశోధకులు..!
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
తమిళనాట ఓట్ల పండగ: ఓటు వేసిన రజనీ, కమల్, విజయ్, సూర్య, కార్తి!
లోక్సభ ఎన్నికలు దేశ వ్యాప్తంగా దశలవారిగా జరుగుతున్నాయి. ఇటీవల తెలుగు రాష్ట్రాల్లో పోలింగ్ జరుగ్గా గురువారం(ఏప్రిల్ 18) తమిళనాడులో పోలింగ్ నిర్వహించారు. పలవురు తమిళ సినీ సెలబ్రిటీలు తమ ఓటు హక్కు వినియోగించుకోవడంతో పాటు అభిమానులు ఓటు వేసేలా మోటివేట్ చేస్తున్నారు.
రజనీకాంత్, కమల్ హాసన్, సూర్య, జ్యోతిక, కార్తి లాంటి టాప్ సినీ స్టార్లు సైతం సాధారణ ప్రజలతో కలిసి క్యూ లైన్లో నిల్చుని తమ ఓటు హక్కు వినియోగించుకున్నారు. ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి.
ముంబై నుంచి చెన్నై వచ్చిన రజనీ
‘దర్బార్' సినిమా షూటింగులో భాగంగా ముంబైలో ఉన్న రజనీకాంత్ తన ఓటు హక్కు వినియోగించుకునేందుకు బుధవారం సాయంత్రమే చెన్నై చేరుకున్నారు. చెన్నైలోని స్టెల్లామేరీ కాలేజీలో ఆయన తన కుటుంబ సభ్యులతో కలిసి ఓటు వేశారు.
భార్య శాలినితో కలిసి అజిత్
హీరో అజిత్ తన భార్య శాలినితో కలిసి చెన్నైలోని తిరువాన్మియూర్ ప్రాథమిక పాఠశాలలో ఓటు వేశారు. మరికొందరు సెలబ్రిటీలు సైతం విధిగా తమ ఓటు హక్కను వినియోగించుకోవడంతో పాటు అభిమానులకు ఓటు వేయాలని పిలుపునిచ్చారు.
కూతురుతో కలిసి కమల్ హాసన్
కమల్ హాసన్కు ఈ ఎన్నికలు ప్రత్యేకమైనవి, ఆయన ‘మక్కల్ నీది మయ్యమ్' అనే పార్టీని స్థాపించిన తర్వాత వచ్చిన తొలి ఎన్నికలు. 39 స్థానాల్లో ఆయన తన పార్టీ తరుపున అభ్యర్థులను బరిలో దించారు. తన కూతురు శృతి హాసన్తో కలిసి ఆల్వార్ పేటలోని పాఠశాలలో ఓటు వేశారు.
సూర్య, కార్తి
శివ కుమార్ ఫ్యామిలీకి చెందిన స్టార్లు... హీరో సూర్య తన భార్య జ్యోతికతో, కార్తి తన భార్య రంజనితో కలిసి టి నగర్లోని పోలింగ్ బూత్లో ఓటు చేశారు. హీరో సిద్ధార్థ్, ఇతర తమిళ సెలబ్రిటీలు తమ ఓటు హక్కు వినియోగించుకున్నారు.
విజయ్
మరోస్టార్ విజయ్... చెన్నైలోని అడ్యార్లో తన ఓటు హక్కు వినియోగించుకున్నారు. కుష్భూ, రెహమాన్, అనిరుధ్ రవిచందర్, మీనా తదితరులు తమ ఓటు వేశారు.