18 కోట్ల నష్టం.. అన్‌ప్రొఫెసనల్ యాక్టర్స్.. త్రిష, శింబుపై ప్రముఖ నిర్మాత ధ్వజం

వివాదంలో త్రిష, శింబు

సీనియర్ నటి త్రిష, శింబుపై ప్రముఖ నిర్మాత జ్ఞానవేల్ రాజా తీవ్ర ఆరోపణలు చేయడం దక్షిణాది మీడియాలో చర్చనీంశమైంది. విజయ్ ఆంటోని నటించిన అన్నాదురై (తెలుగులో ఇంద్రసేన) ఆడియో ఆవిష్కరణ కార్యక్రమంలో చేసిన వ్యాఖ్యలు మీడియాలో పెద్ద దుమారమే చెలరేగుతున్నది.

హీరో అంటే విజయ్‌ ఆంటోని

అన్నాదురై ఆడియో ఆవిష్కరణ వేడుకలో ప్రముఖ నిర్మాత జ్ఞానవేల్ రాజా మాట్లాడుతూ.. విజయ్ ఆంటోనిపై ప్రశంసల వర్షం కురిపించారు. విజయ్ ఆంటోనిని చూసి చాలా మంది నేర్చుకోవాల్సింది చాలా ఉంది. ఎవరిపైన ఎలాంటి భారం మోపకుండా కెరీర్‌ను రూపుదిద్దుకోవడం విజయ్‌ ఆంటోనిని చూసి నేర్చుకోవాలి అని అన్నారు.

జ్ఞానవేల్ రాజా ఆగ్రహం

ఇంతవరకు బాగానే ఉంది. ఇద్దరు అన్‌ప్రొఫెషనల్ యాక్లరు అని ధ్వజమెత్తిన తీరుపై అందరిని ఆశ్చర్యానికి గురిచేసింది. హీరోయిన్ త్రిషా కృష్ణన్, శింబును ఉద్దేశించి చేసినవేనని మీడియా, అతిథులు ఓ అవగాహనకు వచ్చారు.

అలాంటి యాక్టర్లను చూడలేదు

నా సినీ జీవితంలో ఎంతో అంకితభావం చూపే యాక్టర్లను చూశాను. మరోవైపు అన్ ప్రొఫేషనల్ యాక్లర్లను చూశాను. ఒక నిర్మాత 18 కోట్లు నష్టపోవడానికి ఓ హీరో (శింబు) కారణమయ్యాడు.

ప్రతీ రోజు ఆలస్యంగానే

ఆ సదరు హీరో (శింబు) 29 రోజులు షూటించే చేస్తే దాదాపు ప్రతీ రోజు సెట్‌కు లేటుగా వచ్చేవాడు. కేవలం మొక్కుబడిగా నాలుగు గంటలు షూటింగ్‌లో ఉండి వెళ్లిపోయేవాడు. షూట్ చేసిన 30 శాతంతోనే సినిమాను రిలీజ్ చేద్దాం అని ఒత్తిడి చేశాడు. నా జీవితంలో అలాంటి నటుడిని ఇంత వరకు చూడలేదు.

10 గంటలు వేచి చూసిన నిర్మాత

ఒక ఎపిసోడ్ కథను, షూటింగ్ విషయాల గురించి హీరో, హీరోయిన్లకు వివరించడానికి వెళ్లిన నిర్మాతను దాదాపు 10 గంటలపాటు వెయిట్ చేయించారు. చివరకు కథ వినకుండానే వెనకకు పంపించారు అని జ్ఞానవేల్ రాజా తెలిపారు.

వడివేలుపై కఠిన చర్యలు

బాధ్యతాయుతంగా వ్యవహరించే నటీనటులు, నిర్మాతను అనేక కష్టాల పాలుచేస్తున్న కమెడియన్ వడివేలుపై కఠిన చర్యలు తీసుకోవడానికి ముందుకెళ్తున్నాం జ్ఞానవేల్ రాజా అన్నారు.