For Quick Alerts
    ALLOW NOTIFICATIONS  
    For Daily Alerts

    మణిరత్నం వల్ల నష్టపోయానంటూ నిర్మాత ఫైర్

    By Srikanya
    |

    చెన్నై: ప్రముఖ దర్శకుడు మణిరత్నం వలన తాను చాలా నష్టపోయానని 'మదర్ ల్యాండ్ పిక్చర్స్' అధినేత, సీనియర్ నిర్మాత కోవై తంబి తీవ్ర స్ధాయిలో ధ్వజమెత్తారు. వీరిద్దరి మధ్య చాలాకాలంగా ఉన్న వివాదం మరోసారి భగ్గుమంది. తాను దర్శకత్వం వహించిన చిత్రాలలో ఇదయ్ కోవిల్ ఘోరమైన చిత్రం అని మణిరత్నం ఒక పత్రికకు ఇచ్చిన భేటీలో పేర్కొనడం వివాదాం శంగా మారింది. ఆ చిత్ర నిర్మాత కోవై తంబి, మణిరత్నం వ్యాఖ్యలను తీవ్రంగా ఖండించారు.

    కోవై తంబి మాట్లాడుతూ... అప్పట్లో మణిరత్నం అవకాశం కోసం తన కార్యాలయానికి వచ్చారని తెలిపారు. అప్పుడు ఇదయ కోవిల్ కథను ఇచ్చి దర్శకత్వం వహించమని చెప్పానన్నారు. సుమారు 28 ఏళ్ల తరువాత ఇప్పుడా చిత్రాన్ని మణిరత్నం విమర్శిస్తున్నారని కథ నచ్చకపోతే అప్పుడే చెప్పవచ్చు కదా, అంటూ ఆవేశంగా ప్రశ్నించారు. ఆ సమయంలో మణిరత్నం దర్శకత్వ శాఖలో శిక్షణ పొందుతున్నారని షాట్‌ను ఎలా తీయాలో కూడా అప్పుడు తెలియదని దుయ్యబట్టారు. చిత్ర షూటింగ్ కోసం సెట్ వేయడంతో డబ్బు వృథా అయ్యిందన్నారు.

    అలాగే కల్యాణ మండపాలను అద్దెకు తీసి ఇచ్చానని ఆ చిత్ర సమయంలో తనకు సంగీత దర్శకుడు ఇళయరాజాకు మధ్య ఏర్పడిన మనస్పర్థలకు కూడా మణిరత్నమే కారణమని ఆరోపించారు. నిజానికి ఇదయకోవిల్ చిత్రానికి ఇళయరాజా మంచి పాటలను అందించారని తెలిపారు. 35 ఫిలిం రీల్స్ లో చిత్రాన్ని పూర్తి చేస్తానని చెప్పి 70 రోల్స్ ఖర్చు చేశారని తెలిపారు. దీంతో తనకు చాలా నష్టం ఏర్పడిందని చెప్పారు.

    మణిరత్నంకు కథను తయారు చేయడం తెలియదని విమర్శించారు. ఆయన చిత్రంలో ఎంజీయార్‌ను, కరుణానిధిని అగౌరపరచేలా చూపించారని దాన్ని తాను ఖండించడం వలనే మణిరత్నం ఇలాంటి వ్యాఖ్యలు చేశారని కోవై తంబి వివరించారని ఒక తమిళ పత్రిక పేర్కొంది. మరి దీనికి మణిరత్నం కౌంటర్ ఏ విధంగా ఇస్తారో చూడాలి.

    ఇదయ కోవిల్ చిత్రం 1985లో విడుదలైంది. రాధా,మోహన్, అంబిక,గౌండర్ మణి ప్రధాన పాత్రలు పోషించారు. ఇళయరాజా సంగీతం అందించారు. మణిరత్నంకు ఇది నాలుగో చిత్రం. ప్రస్తుతం మణిరత్నం తన తాజా చిత్రం కడలి షూటింగ్ లో బిజీగా ఉన్నారు. ఈ చిత్రం తర్వాత రజనీకాంత్ ని డైరక్ట్ చేయనున్నారని వార్తలు వస్తున్నాయి.

    English summary
    Kovai Thambi, a popular producer and the owner of the production house ‘Motherland Pictures’, has now said he regrets for giving Mani Ratnam(a greenhorn at that time), a chance to direct the film. “Mani Ratnam was nobody when I chose him to direct Idhaya kovil. It’s my fault that I had ignored many talented guys and opted for Mani Ratnam to direct the film. From that time onward my production house started faring very badly in films. Mani spent the amount equivalent to making three films while making Idhaya Kovil. “Mani can hardly take credit for the film’s success. I think he’s getting back at me because he can’t stand my criticism on the film Iruvar made by him more than a decade back,” said Kovai Thambi.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X