ఖుష్భూకి మరో ఎదురు దెబ్బ

By Staff

Published: Tuesday, January 20, 2009, 12:49 [IST]

ఆ మధ్యన వివాహానికి ముందు సెక్స్ ని సమర్ధిస్తూ వ్యాఖ్యలు చేసి వివాదంలో ఇరుక్కున్న సీనియర్ నటి ఖుష్బూ తాజాగా మరో వివాదంలో ఇరుక్కుంది. మూడ నమ్మకాలకు వ్యతిరేకంగా ఆమె మాట్లాడటాన్ని కొందరు తమిళులు తమ నమ్మకాలపై ఆమె చేసిన కామెంట్ గా భావించి మండిపడుతున్నారు. ఇటీవల తమిళనాడులోని విల్లుపురం జిల్లా కందమంగళంలో ఓ బాలికకు కప్పతో వివాహం జరిపించారు. ఇలా చేస్తే గ్రామం సుఖ సంతోషాలతో వర్ధిల్లుతుందని అక్కడి స్ధానికుల నమ్మకం.

దాన్ని ఖుష్భూ తీవ్రంగా ఖండించారు. ఆదివారం రాత్రి చెన్నైలో జరిగిన ఓ కార్యక్రమంలో పాల్గోన్న ఖుష్బూ ..ఈ ఆచారంపై వ్యాఖ్యలు చేయటాన్ని వారు తప్పుపడుతున్నారు. ఆమె అలా మాట్లాడటం తరతరాల సంప్రదాయాల్ని వ్యతిరేకించినట్లే అవుతుందని అంటున్నారు. ఇలాంటి మూఢ నమ్మకాలపై పోరాడాలని ఆమె పిలుపునివ్వటాన్ని వారు తరతరాల వారసత్వ సాంసృకృతిక సంపదకు తగిలిన పెద్ద అఘాదంగా భావిస్తున్నారు.దాంతో విల్లుపురం జిల్లా వాసులంతా సోమవారం నిరసన వ్యక్తం చేసారు.

More from Filmibeat