లారెన్స్ సీన్ రివర్స్

ఈ వారం లారెన్స్ హీరోగా చేసిన రాజాధిరాజా అనే తమిళ చిత్రం రిలీజై మార్నింగ్ షోకే ఫ్లాఫ్ టాక్ తెచ్చుకుంది. దాంతో లారెన్స్ పేరుకు డైరక్టర్ ని పెట్టినా అన్ని విభాగాల్లో వేళ్ళు పెట్టేసి ఆ సినిమాను తగలపెట్టాడని ఆ డైరక్టర్ గోలెత్తి పోయాడు. అయితే ఆ చిత్రం రిలీజుకు ముందు ఇంటర్వూలలో మాత్రం లారెన్స్ ఓ అధ్బుతం జరగబోతోందన్నంత బిల్డప్ తో తమిళ పత్రికల్లో ఇంటర్వూలు ఇచ్చాడు. కానీ ఆ సినిమా పురాతన కాలపు కథ, కథనాలతో మరీ ముతక వాసనలు కొట్టడం జరిగింది. తన నటన, డాన్స్ , ఫైట్స్ మాస్ ప్రేక్షకులను బాగా ఆకట్టుకుంటాయని లారెన్స్ ఆశించాడు. అయితే సీన్ రివర్స్ అయింది. ఆరుగురు హీరోయిన్స్ ఉన్నారంటూ పబ్లిసిటీ చేసిన ఈ చిత్రం బి, సి సెంటర్లలో కూడా ఆకట్టుకోలేక చతికలపడింది.

ఇంతకుముందు వచ్చిన లారెన్స్ ముని చిత్రం లాగే ఇదీ ఫ్లాప్ కావటంతో తమిళంలో లారెన్స్ తో సినిమాలు తీద్దామని అడ్వాన్స్ లు ఇచ్చిన వారు అది వదిలేసుకుందామనే నిర్ణయాలకు వచ్చారు. అయితే లారెన్స్ మాత్రం అంతగా అయితే నాగార్జున ను మళ్ళీ డైరక్ట్ చేసి హిట్టు కొడతాను అంటున్నాడు. ఇవన్నీ చూసే లారెన్స్ తో నాగార్జున ప్రారంభించుదామని నిర్ణయించుకున్న పవర్ చిత్రం సైతం విరమించుకున్నాడని వినికిడి. కానీ లారెన్స్ మాత్రం తానకు చిరంజీవి నుంచి స్పెషల్ ఆఫర్ ఉందని, వారిబ్బాయి రామ్ చరణ్ ని డైరక్ట్ చేసే అవకాశముందని చెప్పుతున్నాడు. ఇక అతని ఈ ఎగస్ట్రా టాలెంట్ చూసిన వాళ్ళు డాన్స్ డైరక్షన్ కి సైతం పిలవటం లేదని టాక్.