ఫ్యాన్స్ పై లీగల్ ఏక్షన్ తీసుకుంటా!

By Staff

| Published: Tuesday, October 14, 2008, 16:58 [IST]

ఈ మాటన్నది మరెవరో కాదు సౌత్ ఇండియా సూపర్ స్టార్ రజనీకాంత్. ఆయన ప్యాన్స్ లో కొద్ది మంది ఆయనకు తెలియబర్చకుండా కోయంబత్తూర్ లో ఓ పొలిటికల్ పార్టీ ఏర్పాటు చేసారు. అంతేగాక జెండాని రూపొందించి,రజనీరాజ్యం అని టైటిల్ కూడా పెట్టి పోస్టర్స్ వేసి ఆమెదముద్ర కోసం ఆయన దగ్గరకు పంపారు. అది చూసి మండిపోయిన ఆయన అటువంటి ఏక్టివిటీస్ ఎవరు చేసినా వారిపై లీగల్ ఏక్షన్ తీసుకోవాల్సి వస్తుంది. అంతే గాక వారి ప్రాధమిక సభ్యత్వాన్ని తొలిగిస్తానని చిందులు తొక్కారు.

అలాగే ఎవరూ కూడా ఫోర్స్ తో పాలిటిక్స్ లోకి రారని తమకు తాము ఇష్టపడి రావలని అనిపిస్తే వస్తామని ప్రకటించాడు.దాంతో కొందరు అభిమానులు చక్కగా ఆంధ్రాలో చిరంజీవే మేలు హ్యాపీగా పార్టీ పెట్టి తన అభిమానులకు ఓ ఐడెంటిటీ తెచ్చిపెట్టాడు..ఈయన అసలు పట్టించుకోవటం లేదని గొణుక్కున్నారు. ఇక కొద్ది నెలల క్రిందట చెన్నైలో రజనీకాంత్ ,చిరంజీవి మరి కొందరు పాత పరిశ్రమ మిత్రలతో కలిసినప్పుడు ఓ మిత్రుడు చిరంజీవిని మీరు పార్టీలోకి వస్తారా అని అడిగాడుట.

దానికాయన అవును..కాదు అనే రిప్లై ఇవ్వలేదు. అతను రెట్టించి అడగబోతుంటే అప్పుడు రజనీ కలగచేసుకుని ఎందుకాయన్ని అలా విసిగిస్తావు..ఆయన రాడు అంటాడు అంతే...కానీ చెప్తున్నా కదా అతను హండ్రెడ్ పర్శెంట్ వస్తాడు. ఇది నిజం అన్నాడు. అదే ఈ గేదరింగ్ జరిగిన రెండో నెలలో నిజమైంది. అలా రజనీ ఇతరులు రాజకీయాల్లోకి వస్తారో రారో చెప్తున్నారు.కానీ ఆయన మనుస్సులో ఏముందో చెప్పటంలేదు.