హోమ్

Tamil

ఆమధ్య హిందీలో వచ్చి హిట్టయిన 'త్రీ ఇడియట్స్‌' చిత్రాన్ని ప్రముఖ దర్శకుడు శంకర్‌ ఇప్పుడు తెలుగు, తమిళ భాషల్లో రీమేక్‌ చేస్తున్న సంగతి తెలిసిందే. విజయ్, ఇలియానా, జీవా, శ్రీకాంత్‌ ఇందులో ముఖ్య పాత్రలు పోషిస్తున్న ఈ చిత్రం షూటింగ్‌ ప్రస్తుతం కోయంబత్తూర్‌లో జరుగుతోంది.ఇక ఈ చిత్రంలో వెరైటీ సాంగ్ ని ప్లాన్ చేసారు. తెలుగు, తమిళ, కన్నడ, మలయాళ, హిందీ భాషలతో కలిపి మొత్తం పదహారు భాషల్లో ఈ పాట సాగుతుంది.

విజరు ప్రకాష్‌ పాడగా, సంగీత దర్శకుడు హరీష్‌ జైరాజ్‌ ఇటీవలే రికార్డ్‌ చేశాడు. దీనిని ప్రపంచంలోని వివిధ దేశాల్లోని అందమైన లొకేషన్లలో చిత్రీకరించాలని శంకర్‌ ప్లాన్‌ చేస్తున్నాడు.ఇక పాటను ఇలియానా, విజయ్ ల కాంబినేషన్ లో చిత్రీకరిస్తారని తెలుస్తోంది.ఇలియానా అందాలను అన్ని భాషల్లో పొగడటమే ఆ పాట లక్ష్యం అని చెప్తున్నారు.ఈ చిత్రం తమిళంలో 'నన్బన్‌'కాగా, తెలుగులో 'త్రీ రాస్కెల్స్‌'గా నిర్ణయించారు. జెమినీ ఫిలీం సర్క్యూట్‌ నిర్మిస్తోంది.