మహేష్ బాబు అన్నయ్యగా ఆ స్టార్ హీరో!?

మహేష్ బాబు తర్వాత చేయబోయే చిత్రంలో అతని అన్నయ్యగా ఓ కీలకమైన పాత్రను చేయటానికి మాధవన్ ఒప్పుకున్నట్లు సమాచారం. రన్, పందెం కోడి, ఆవారా చిత్రాల ద్వారా తెలుగు పరిచయమైన లింగు స్వామి ఈ చిత్రాన్ని డైరక్ట్ చేయనున్నాడు. ఇక ఈ చిత్రం తమిళ వెర్షన్ లో శింబు హీరోగా చేయనున్నాడు. అక్కడా మాధవన్..అన్న పాత్రలో అలరించనున్నాడు. మెగా సూపర్ గుడ్ ఫిల్మ్స్ తిరుపతి ప్రసాద్ ఈ చిత్రం తెలుగు వెర్షన్ ని నిర్మించనున్నారు. సెప్టెంబర్ నుంచి ఈ చిత్రం షూటింగ్ మొదలుకానుంది. తమిళ వెర్షన్ మాత్రం జూలైనుంచే షూటింగ్ చేస్తారు. ఈ చిత్రం స్క్రిప్టుని లింగు స్వామి కూర్గులోని ఆరెంజ్ కంట్రీ అనే రిసార్టులో స్క్రిప్టు వర్క్ చేసారు. ప్రస్తుతం మహేష్..త్రివిక్రమ్ చేస్తున్న చిత్రం క్లైమాక్స్ షూటింగ్ హడావిడిలో ఉన్నాడు.