Don't Miss!
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రాజకీయ ఒత్తిడిలో విజయ్ సర్కార్ చిత్తు.. తొలగించనున్న వరలక్ష్మి సీన్స్, పోలిసుల క్లారిటీ!
Recommended Video
దళపతి విజయ్ సర్కార్ చిత్రానికి మరో షాక్. ఇప్పటికే అధికార పార్టీ దాడి, కేసులతో సంతమతమవుతున్న చిత్ర యూనిట్ కు ఇది మరో నిరాశ కలిగించే అంశం. సర్కార్ చిత్రంలో అమ్మ జయలలిత, అన్నా డీఎంకే పార్టీ ప్రతిష్ట దిగజార్చే సన్నివేశాలు ఉన్నాయంటూ తీవ్రమైన రచ్చ జరుగుతున్న సంగతి తెలిసిందే. వరుస వత్తిళ్లు నేపథ్యంలో వివాదాస్పద సన్నివేశాల తొలగింపుకు చిత్ర యూనిట్ అంగీకారం తెలిపినట్లు వార్తలు వస్తున్నాయి. అధికారికంగా ఈ విషయం ప్రకటించకున్నా మురుగదాస్ అండ్ టీం కొన్ని సన్నివేశాల్ని తొలగించేందుకు సిద్ధం అవుతున్నారట.
సర్కార్ విలన్ మాట.. విజయ్ తప్పకుండా రాజకీయాల్లోకి వస్తాడు!
కోమలవల్లి పాత్ర చుట్టూ
వరలక్ష్మి శరత్ కుమార్ ఈ చిత్రంలో ప్రతి నాయకి పాత్రలో నటించింది. ఆమె నటించిన కొన్ని సన్నివేశాలు దివంగత ముఖ్యమంత్రి జయలలిత ప్రతిష్టని దెబ్బతీసేలా ఉన్నాయంటూ అన్నా డీఎంకే మంత్రులే భగ్గుమంటున్నారు. జయలలిత అసలు పేరు కూడా కోమలవల్లి అనే ప్రచారం జరుగుతోంది.
థియేటర్స్ ధ్వంసం
అన్నా డీఎంకే కార్యకర్తలు సర్కార్ సినిమా ప్రదర్శిస్తున్న థియేటర్స్ పై విధ్వంసానికి దిగుతున్నారు. నిన్న మధురైలో చాలా చోట్ల సర్కార్ చిత్ర ప్రదర్సన ఆగిపోయింది. విజయ్ కటౌట్స్, బ్యానర్లని ధ్వంసం చేశారు. పలు చోట్ల చిత్ర యూనిట్ పై కేసులు నమోదయ్యాయి. అభ్యంతరకర సన్నివేశాలు తొలగించకుంటే తీవ్ర పరిణామాలు ఎదుర్కోవలసి ఉంటుందని అన్నా డీఎంకే పార్టీ హెచ్చరించిన సంగతి తెలిసిందే.
దిగివచ్చిన సర్కార్
పొలిటికల్ అటాక్ తీవ్రమవుతున్న నేపథ్యంలో సర్కార్ చిత్ర యూనిట్ దిగిరాక తప్పని పరిస్థితి నెలకొంది. తాజా సమాచారం ప్రకారం వరలక్ష్మి పాత్రలోని కొన్ని సన్నివేశాలని మ్యూట్ చేసి ప్రదర్శించడానికి చిత్ర యూనిట్ అంగీకారం తెలిపినట్లు తెలుస్తోంది. మరికొన్ని సన్నివేశాలని తొలగించబోతున్నట్లు కూడా వార్తలు వస్తున్నాయి.
వందకోట్లు దాటేసి
సర్కార్ చిత్రం విషయంలో ఇంత వివాదం జరుగుతున్న వసూళ్లపై ఎలాంటి ప్రభావం పడలేదు. రెండు రోజుల్లోనే సర్కార్ చిత్రం 100 కోట్లకుపైగా కలెక్షన్లతో దూసుకుపోతోంది. మెర్సల్ చిత్రం విషయంలో కూడా ఇలాంటి సంఘటనలే జరిగాయి.
పోలీసులు క్లారిటీ
ఇదిలా ఉండగా పోలీసులు గత రాత్రి తన నివాసానికి వచ్చినట్లు సర్కార్ చిత్ర దర్శకుడు మురుగదాస్ తెలిపారు. మురుగదాస్ అరెస్ట్ కాబోతున్నారంటూ సన్ పిక్చర్స్ సంస్థ చేసిన ట్వీట్ సంచలనంగా మారింది. దీనిపై పోలీసులు క్లారిటీ ఇచ్చారు. మురుగదాస్ ని అరెస్ట్ చేస్తున్నట్లు వస్తున్న వార్తల్లో నిజం లేదని పోలీసులు అన్నారు.