ఇది నిజం..టీవీ సీరియల్లో త్రిష!!

By Staff

Published: Friday, December 19, 2008, 14:59 [IST]

త్వరలో మక్కాల్ టీవీలో..సౌత్ లో లీడింగ్ హాట్ స్టార్ గా ఉన్న త్రిష నటించిన ఓ టీవీ సీరియల్ రాబోతోంది. పెరియ తంబి..చిన్న తంబి అనే టైటిల్ తో తీయబడ్డ ఈ తమిళ టీవీ సీరియల్ లో పూర్తి స్ధాయి పాత్రలో నటించింది. వసంత్ అనే డైరక్టర్ ఈ సీరియల్ ని డైరక్ట్ చేసాడు.అదేంటి త్రిష టాప్ హీరోయిన్ కదా...ఈ ఖర్మ ఏంటా అనిపిస్తోందా...అయితే ఇక్కడ మరో ట్విస్టు ఉంది.ఈ టీవీ సీరియల్ పన్నెండేళ్ళ క్రింతం మిస్ చెన్నై గా త్రిష ఎన్నికయినప్పుడు చేసింది.

అప్పుడు సినిమాల్లో ఆఫర్ వస్తుందో రాదో తెలియని స్ధితిలో ఈ సీరియల్ చేసింది.ఇప్పుడు దాన్ని ఆ ఛానెల్ వారు రీ టెలికాస్ట్ చేయటానికి సన్నాహాలు చేస్తున్నారు. అయితే త్రిష ఆ సీరియల్ ఆపటానికి అన్ని ప్రయత్నాలు చేస్తోంది.అయితే టీఆర్.పి రేటింగ్స్ ముందు ఆ ఛానెల్ వారు అవన్నీ లెక్క చేయటం లేదు.త్వరలోనే ఈ సీరియల్ ప్రారంభమయ్యే అవకాశం ఉందని తెలుస్తోంది. తెలుగులోనూ దీని డబ్బింగ్ రైట్స్ కోసం మంచి మార్కెట్ ఏర్పడే అవకాశం ఉంది.

More from Filmibeat