మాళవిక రహస్యాలపై బ్లాక్ మెయిల్

By Staff

Published: Thursday, March 12, 2026, 9:03 [IST]

ఐటం డ్యాన్సర్ మాళవిక తన మేనేజర్ మునుస్వామిపై నడిగర్ సంఘంలో ఫిర్యాదు చేసింది. ఆమె ఫిర్యాదు ఏమిటంటే తన నిర్మాతలనుంచి వచ్చిన పారితోషికాలను మునుస్వామి ఆమెకు అందజేయలేదు. మాళవిక ఇప్పుడు ఐదు నెలల గర్భవతి. వైద్యుల సలహాపై ఆమె సినిమాల్లో నటిం చకుండా పూర్తి విశ్రాంతి తీసుకుంటోంది. కురువి ఆమె చివరి చిత్రం. మరో మూడేళ్ళ వరకు సినిమాల్లో నటించేది లేదని ఆమె ప్రతిన బూనింది.

మునుస్వామి ఎన్నో ఏళ్ళుగా ఆమెకు కాల్షీట్స్ మేనేజర్ గా ఉన్నారు. ఆమె డేట్స్ ఇచ్చి నిర్మాతల నుంచి పారితోషికాన్ని రాబట్టేది మునుస్వామే. తనకు వచ్చే పారి తోషికంలో 7 శాతాన్ని ఆమె అతని చెల్లిస్తూ వస్తోంది. తనకు తెలియకుండా నిర్మాతలను మునుస్వామి వసూలు చేసినట్టు ఆమె ఆరోపణ. ఒక సినిమాకు గాను తన ఫీజు 4 లక్షలు కాగా అందులోనుంచి మునుస్వామి లక్ష రూపాయలు కొట్టేసినట్టు మాళవిక ఫిర్యాదు చేసింది. మాళవిక రహస్యాలు తెలిసిన మునుస్వామి ఆమెను బ్లాక్ మెయిల్ చేస్తున్నట్టు సమాచారం.

More from Filmibeat