Don't Miss!
- Finance Adani News: గౌతమ్ అదానీ తిరిగొచ్చిన మంచిరోజులు.. ఆ 5 కంపెనీల్లో సంచలనం..
- Technology OnePlus Flip వన్ప్లస్ ఫ్లిప్ ఫోన్ కీలక వివరాలు లీక్... టెలిఫోటో కెమెరా సహా కీలక ఫీచర్లు..!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- News కాంగ్రెస్లో బీఆర్ఎస్ ఎమ్మెల్యే: రేవంత్తో భేటీ: గ్రేటర్ హైదరాబాద్లో భారీ షాక్
- Lifestyle డిఫరెంట్ స్టైల్ లో నోనూరించే మటన్ రోస్ట్
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
- Sports వరుస పరాజయాల వేళ.. ఆర్సీబీ, కోహ్లీ ఫ్యాన్స్కు గుడ్ న్యూస్
బిగ్బాస్ హౌస్లో సెలబ్రిటీ ఆత్మహత్యాయత్నం.. మరో అనుమానాస్పద మృతి
విలక్షణ నటుడు కమల్హాసన్ హోస్ట్గా వ్యవహరిస్తున్న తమిళ బిగ్బాస్ రియాలిటీ షోలో అపశృతి చోటుచేసుకొన్నది. బిగ్బాస్ సెట్లో పనిచేస్తున్న ప్లంబర్ మరణించడంతో ఈ షోను మరో వివాదం చుట్టుకొన్నది. మంగళవారం చోటుచ
విలక్షణ నటుడు కమల్హాసన్ హోస్ట్గా వ్యవహరిస్తున్న తమిళ బిగ్బాస్ రియాలిటీ షోలో అపశృతి చోటుచేసుకొన్నది. బిగ్బాస్ సెట్లో పనిచేస్తున్న ప్లంబర్ మరణించడంతో ఈ షోను మరో వివాదం చుట్టుకొన్నది. మంగళవారం చోటుచేసుకొన్న ఈ ఘటన ఆలస్యంగా వెలుగుచూసింది. అంతేకాకుండా ఈ షోలో ఓవియా స్విమ్మింగ్ పూల్లోకి దూకి ఆత్మహత్యాయత్నం చేయడం చర్చనీయాంశమైంది. రియాలిటీ షో మొదలైన తర్వాత అనేక వివాదాలు ఈ కార్యక్రమాన్ని చుట్టుముడుతున్న సంగతి తెలిసిందే. తమిళ సంప్రదాయాలకు విరుద్దంగా ఈ కార్యక్రమం సాగుతున్నదనే ఆరోపణలపై ఇప్పటికే పలు కేసులు నమోదైన సంగతి తెలిసిందే.
సెట్లోనే కుప్పకూలిన ప్లంబర్
మీడియా కథనాల ప్రకారం.. ముంబైకి చెందిన ఇబ్రహీం షేక్ బిగ్బాస్ సెట్లో కొద్దిరోజలుగా పనిచేస్తున్నాడు. అనారోగ్య కారణాల వల్ల సెట్లోనే కుప్పకూలడంతో వెంటనే అత్యవసర వైద్య సేవలు అందించారు. ఆ తర్వాత కిల్పాక్ మెడికల్ కాలేజీకి తరలించడానికి ప్రయత్నిస్తుండగా మార్గమధ్యంలోనే తుదిశ్వాస వదిలారు.
పోలీసుల కేసు నమోదు..
ఈ ఘటనపై నజార్పేట్ పోలీసులు కేసు నమోదు చేసి దర్యాప్తు చేస్తున్నారు. షేక్ అనారోగ్యంగా ఉందని తోటి కార్మికులకు చెప్పాడు. విపరీమైన చెమటలు పట్టి అక్కడే కుప్పకూలాడు. ఆస్పత్రికి తరలిస్తుండగా మార్గమధ్యంలో చనిపోయాడని పోలీసులు తెలిపారు. అనుమానాస్పద మృతి కింద కేసు నమోదు చేయడం వివాదంగా మారింది.
ప్లంబర్ మరణంతో మరో వివాదం
దాదాపు 15 మంది సెలబ్రిటీలు బిగ్బాస్ కార్యక్రమంలో పాల్గొంటున్నారు. టీవీ, మొబైల్, సోషల్ మీడియా, ఎలాంటి కమ్యునికేషన్ల సౌకర్యం లేకుండా సెలబ్రిటీలు 100 రోజులు బిగ్బాస్ హౌస్లో ఉండాల్సి ఉంటుంది. వారి కోసం ఇంటి బయట చాలా మంది కార్మికులు, సాంకేతిక నిపుణులు సేవలందిస్తున్నారు. అలా పనిచేస్తున్న వాళ్లలో ఒకరు మృతి చెందడం మీడియాలో చర్చనీయాంశమైంది.
Recommended Video
స్విమ్మింగ్ పూల్లో దూకిన అవియా
ఇది ఇలా ఉండగా, ఈ షోలో తమ కెమిస్ట్రీతో అదరగొడుతున్న అవియా, ఆరవ్ రొమాంటిక్ డ్రామా కొత్త మలుపు తిరిగింది. గత కొద్దికాలంగా మానసిక సంఘర్షణకు లోనవుతున్న ఓవియా షో నుంచి ఎలాగైనా తప్పుకొనేందుకు ప్రయత్నిస్తుననారు. ఈ నేపథ్యంలో ఇంటి ఆవరణలో ఉన్న స్విమ్మింగ్ పూల్లోకి దూకి ఆత్మహత్యయత్నానికి ప్రయత్నించినట్టు సమాచారం. నీటిలో మునిగిన ఓవియాను తోటి సెలబ్రీటీలు బయటకు లాగడంతో ప్రాణాపాయం తప్పింది.
కావాలనే వివాదాలు..
తమిళ బిగ్బాస్ కార్యక్రమాన్ని వివాదాలు చుట్టుముట్టడం, అంతేకాకుండా అంతగా ప్రేక్షకుల నుంచి స్పందన రాకపోవడంతో నిర్వాహకులు సెన్సేషనల్గా చేసేందుకు ప్రయత్నిస్తున్నారనే ఆరోపణలు వెల్లువెత్తుతున్నాయి. కార్యక్రమంలో అనే వివాదాస్పద అంశాలు జొప్పిస్తున్నారనే అభిప్రాయం వ్యక్తమవుతున్నది.
బిగ్బాస్ నుంచి ఓవియా ఔట్
ఓవియా హెలెన్ సూసైడ్కు ప్రయత్నించడంతో నిర్వాహకులు తీవ్ర ఆందోళనకు లోనయ్యారు. ఇంటిలో ఆమెను ఇంకా కొనసాగిస్తే ఇతర సభ్యుల మనోధైర్యం దెబ్బతిని షోకు ముప్పు వాటిల్లే ప్రమాదముందనే భయంతో ఆమెను షో నుంచి తప్పించారు.ఇంటిని విడిచి వెళ్లమని బిగ్బాస్ ఆదేశించడంతో ఓవియా హౌస్ నుంచి బయటకు వచ్చింది.