తృప్తిపరుస్తానంటున్న సుహాసిని

By Staff

| Published: Wednesday, November 19, 2008, 15:49 [IST]

ఒకప్పుడు తమిళ,తెలుగు భాషల్లో తిరుగులేని తారగా వెలిగిన సుహాసిని పెళ్ళయ్యాక టీవి షోస్,ఏవో చిన్న చిన్న పాత్రలు చేసుకుంటూ గడుపుతోంది. ఆమె భర్త మణిరత్నం పెద్ద డైరక్టర్ అయినా ఆమెకు ఆయనెప్పుడూ అవకాశమివ్వలేదు. భార్య,నటి అన్న డిస్టెన్స్ ని మెయింటైన్ చేస్తూ వచ్చారు. అయితే తాజాగా ఆమెకు ఆయన వద్ద నుండి పిలుపు వచ్చిది. ఆయన చేస్తున్న రావణ్ సినిమాలో చిన్న గెస్ట్ అప్పీరియన్స్ కి ఆమెను కాల్ చేసారాయన.

ఆ సమయాన ఆమె ఓ మళయాళ ఫిల్మ్ షూటింగ్ లో బిజీగా ఉంది. అయితే ఆ దర్శక,నిర్మాతలను ఒప్పించి ఆమె హుటాహుటీన బయిలు దేరింది. అప్పుడు ఆమెను కలిసిన మీడియా వారితో ఈ కాల్ కోసం చాలా కాలంగా నేను ఎదురు చూస్తున్నారు. మొత్తానికి ఇన్నాళ్ళకి మాఆయన నన్ను నటిగా గుర్తించారు...ఆయనకు తృప్తి పడేలా నటిస్తాననే అనుకుంటున్నాను.అంది.వారంతా బెస్ట్ ఆఫ్ లక్ చెప్పి సెండాఫ్ చెప్పారు.గమ్మత్తుగా ఉంది కదా.