హోమ్

Tamil

మొదట్లో మాఫిళ్ళై చిత్రంలో హీరో ధనుష్ అత్త పాత్రకు శ్రీదేవి, టబు, జయప్రధలను ట్రై చేసారు కానీ వర్కవుట్ కాలేదు. అప్పుడు మనీషా కొయరాలా సీన్ లోకి వచ్చింది. హన్సిక, ధనుష్ కాంబినేషన్లో రూపొందుతున్న మాప్పిళ్ళై చిత్రం రీమేక్ లో మనీషా కొయరాల...హన్సికకు తల్లిగా నటిస్తోంది. ఈ విషయం వివరిస్తూ హన్సిక...మనీషా వంటి గొప్ప ఆర్టిస్టుతో స్క్రీన్ స్పేస్ పంచుకోవటం అనేది గొప్ప అదృష్టం..అది నేను పొందుతున్నాను..ఇది నిజం అంటూ ఎక్సైట్మెంట్ తో చెప్పింది. ఇక మనీషా కొయరాల రీసెంట్ గా నయనతార తల్లిగా ఎలక్ట్రా అనే మళయాళ చిత్రంలో చేస్తోంది.

జాతీయ అవార్డు గ్రహీత శ్యామ్ ప్రసాద్ దర్శకత్వంలో రూపొందుతున్న ఆ చిత్రంలో మనీషా చేస్తున్న పాత్ర ప్రత్యేకమైన గుర్తింపు కలిగి ఉంటుందంటున్నారు. మాపిళ్ళై చిత్రాన్ని సన్ పిక్చర్స్ వారు సూరజ్ అనే దర్శకుడు డైరక్షన్ లో నిర్మిస్తున్నారు. మనీషా కొయరాల క్యారెక్టర్ పొగరుమోతు అత్తగా కనిపిస్తుంది. ధనుష్ ఆమెకు అల్లుడుగా చేస్తున్నారు. ఈ చిత్రం 1989లో రజనీకాంత్ హీరోగా ఇదే టైటిల్ తో వచ్చి హిట్టయింది. ఈ అత్తా అల్లుళ్ళ కథ అప్పట్లో సంచలనం సృష్టించింది.