Don't Miss!
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Sports SRH Playing XI: ఆ బౌలర్పై వేటు.. గుజరాత్తో తలపడే సన్రైజర్స్ హైదరాబాద్ తుది జట్టు ఇదే!
- News ఏపీలో కూటమికి వచ్చే సీట్లు ఇవే- రఘురామ తాజా అంచనా..!
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
- Lifestyle మనోడు ఎక్కడైనా తగ్గేదేలే అనిపించుకున్నాడు, అల్లు అర్జున్ కు అంతర్జాతీయ గుర్తింపు
- Automobiles రూ.5 లక్షల కంటే తక్కువ ధరలో బైక్ కావాలా.. ఇక్కడ చూడండి
- Technology ధర రూ.17999 కే 108MP కెమెరా, 6000mAh బ్యాటరీ, 6.78 అంగుళాల డిస్ప్లే 5G స్మార్ట్ఫోన్..!!
'మర్యాద రామన్న' తమిళ రీమేక్ టైటిల్, పూర్తి డిటేల్స్
చెన్నై : తెలుగులో ఎస్.ఎస్.రాజమౌళి తెరకెక్కించిన 'మర్యాద రామన్న'ను తమిళంలో హాస్య నటుడు సంతానంతో 'వల్లవనుక్కు పుల్లుక్కూడ ఆయుధం' పేరిట రూపొందించనున్నారు. 'వేటెక్కారన్', 'ఉత్తిమ పుత్తిరన్', 'ఉన్నాలే ఉన్నాలే'లలో హాస్యనటుడిగా కనిపించిన శ్రీనాథ్ దర్శకత్వం వహించనున్నాడు. మిగతా సాంకేతిక నిపుణుల ఎంపిక కొనసాగుతోంది.
ఇక ఈ చిత్రానికి యువ సంగీత దర్శకుడు అనిరుధ్ సంగీతం అందిస్తున్నారు. ఆయన స్వరాలు సమకూర్చిన తొలి చిత్రం '3'. పూర్తి ఆడియో విడుదలకు ముందుగానే ప్రేక్షకుల చెంతకొచ్చిన 'వై దిస్ కొలవెరి..' పాట సంచలనం సృష్టించింది. ఆ గీతాన్ని ఆలపించిన ధనుష్తో పాటు అనిరుధ్ పేరు కూడా మార్మోగిపోయింది. మొదటి సినిమాతోనే మంచిపేరు తెచ్చుకున్న అనిరుధ్ ఆ తర్వాత ధనుష్ నిర్మించిన 'ఎదిర్నీచ్చల్'కి స్వరాలు సమకూర్చాడు. పాటలతో పాటు చిత్రం కూడా విజయం సాధించింది. తాజాగా సంతానం ప్రధానపాత్రధారిగా వస్తున్న ఈ సినిమాకి సంగీతం అందించే అవకాశం దక్కింది.
మర్యాద రామన్న చిత్రం కన్నడంలో రీమేకై ఆ మధ్యన విడుదలైంది. అయితే అక్కడ పెద్దగా ఆడలేదు. కోమల్ అనే ఆర్టిస్టు కన్నడ మర్యాద రామన్న లో సునీల్ పాత్రను చేసాడు. కీరవాణి సంగీతం అందించాడు. తెలుగు ఉన్నదున్నట్లుగా అనువదించారు. ఉపేంద్ర అక్కడ సైకిల్ వాయిస్ కి డబ్బింగ్ ఇచ్చారు. తెలుగులో రవితేజ చెప్పినట్లుగా చేసాడు. ముకేష్ రుషి..ఇక్కడ తెలుగులో నాగినీడు పాత్రను చేసాడు. నిషా అక్కడ హీరోయిన్ గా సలోని పాత్రను చేసింది.