శంకర్ సినిమా లో మీరా జాస్మిన్?

By Staff

Published: Tuesday, March 10, 2026, 23:03 [IST]

తెలుగు,తమిళ పరిశ్రమలో హవా కొనసాగిస్తున్నమళయాళీ భామ మీరాజాస్మిన్ ఇప్పుడు మరో పెద్ద ఆఫర్ ని చేజిక్కించుకుందని తెలుస్తోంది. అదీ ప్రముఖ తమిళ దర్శకుడు శంకర్ నిర్మాతగా వ్యవహించే నెట్ హోమ్ ప్రొడక్షన్ లో నని తెలుస్తోంది. అయితే ఈ సినిమా దర్శకుడు ఎవరన్నది ఇంకా తెలియరాలేదు. బబ్లి ఇమేజ్ ఉన్న ఆమె రన్ సినిమానాటి నుండీ తమిళ్ లో మంచి క్రేజే ఉంది. అందులోనూ పందెంకోడి లోని ఆమె అల్లరి పాత్రను ఇప్పటికీ అక్కడవారు మర్చిపోలేదుట. ఇక ఈ పాత్ర మోడ్రన్ లుక్ తో ఉంటుందని,సినిమా సొసైటీపై సెటైర్స్ తో ఉంటుందని తెలుస్తోంది. ప్రస్తుతం రొబొ పనిలో బిజీగా ఉన్న శంకర్ ఈ సినిమాను ఈలోగానే పూర్తి చేసి రిలీజ్ చెయ్యాలని ప్లాన్ చేస్తున్నాడుట. ఈ చిత్రానికి ఆయన శిష్యులో ఒకరు దర్శకత్వం వహిస్తారని తెలుస్తోంది. గతంలో శంకర్ నిర్మాతగా వడివేలు హీరోగా 23వ పులకేశి,గది నెంబర్ 305లో దేముడు వంటి ప్రయోగాత్మక చిత్రాలు నిర్మించాడు. అందుకే మీరాజాస్మిన్ కథ కూడా వినకుండా గ్రీన్ సిగ్నల్ ఇచ్చిందని సమాచారం.

More from Filmibeat