హోమ్

Tamil

తమిళ స్టార్ సూర్య హీరోగా తెరకెక్కుతున్న 37వ చిత్రం కెవి ఆనంద్ దర్శకత్వంలో రూపొందుతోంది. ఈ చిత్రంలో మలయాళం సూపర్ స్టార్ మోహన్ లాల్ కూడా కీలకమైన పాత్రలో నటిస్తున్నారు. తాజాగా మోహన్ లాల్ పాత్రకు సంబంధించిన వివరాలు బయటకు లీక్ అయ్యాయి. ఈ చిత్రంలో ఆయన భారత ప్రధాన మంత్రి పాత్రలో కనిపించబోతున్నట్లు తెలుస్తోంది.

సినిమా సెట్స్ నుంచి లీకైన కొన్ని ఫోటోలు సోషల్ మీడియాలో హల్ చల్ చేస్తున్నాయి. మోహన్ లాల్ పాత్ర పేరు చంద్రగాంధ్ వర్మ అని తెలుస్తోంది. ఈ పాత్ర మేకోవర్ చూస్తుంటు ప్రధాన మంత్రి నరేంద్రమోడీ గుర్తుకొస్తున్నారని పలువురు అభిప్రాయ పడుతున్నారు.

ఈ చిత్రంలో సూర్య ప్రైమినిస్టర్ బాడీ గార్డ్ పాత్రలో కనిపించబోతున్నట్లు సమాచారం. సూర్య పాత్రకు సంబంధించిన కొన్ని ఫోటోస్ కూడా సోషల్ మీడియాలో వైరల్ అయ్యాయి. ఈ చిత్రంలో తమిళ నటుడు ఆర్య కూడా ముఖ్యమైన పాత్రలో నటిస్తున్నారు.

సూర్య, కెవి ఆనంద్ కాంబినేషన్లో గతంలో అయాన్(వీడొక్కడే), మాత్రన్(బ్రదర్స్) లాంటి చిత్రాలు వచ్చాయి. వీరి కాంబినేషన్లో వస్తున్న మూడో సినిమా ఇది. త్వరలోనే ఈచిత్రం టైటిల్ ప్రకటించనున్నారు. తమిళంతో పాటు తెలుగులో కూడా ఈ మూవీ విడుదల కానుంది.