'సామీ స్క్వేర్' మోషన్ పోస్టర్ అదిరిపోయింది.. విక్రమ్ పవర్ ఫుల్ లుక్, చూడాల్సిందే!

| Published: Thursday, May 17, 2018, 19:59 [IST]

చియాన్ విక్రమ్ నటించిన సామి చిత్రం 2003 లో విడుదలై మంచి విజయం సాధించింది. ఆ చిత్రానికి సీక్వెల్ గా సామీ స్క్వేర్ వస్తోంది. కొద్దీ సేపటి క్రితమే ఈ చిత్ర మోషన్ పోస్టర్ ని విడుదల చేశారు. ఈ మోషన్ పోస్టర్ లో పోలీస్ ఆఫీసర్ గా పవర్ ఫుల్ లుక్ లో విక్రమ్ అదరగొడుతున్నారు.

మోషన్ పోస్టర్ చూస్తుంటేనే ఈ చిత్రం మాస్ ఆడియన్స్ కు పండగ అని అర్థం అవుతోంది. మాస్ ఆడియన్స్ ని కట్టి పడేసేలా మోషన్ పోస్టర్ డిజైన్ చేసారు. విక్రమ్ సరసన ఈ చిత్రంలో కీర్తి సురేష్ నటిస్తోంది. ఈ చిత్రానికి సంగీత దర్శకుడు దేవిశ్రీప్రసాద్.

దర్శకుడు హరి ఈ చిత్రాన్ని పక్కా మాస్ ఎంటర్ టైనర్ గా రూపొందిస్తున్నాడు. ప్రస్తుతం ఈ చిత్ర షూటింగ్ నేపాల్ లో జరుగుతున్నట్లు తెలుస్తోంది. దాదాపుగా షూటింగ్ పూర్తి చేసుకున్న ఈ చిత్రాన్ని వీలైనంత త్వరగా విడుదల చేసేందుకు ప్రయత్నిస్తున్నారు.