విశాల్ తెలుగోడు, తరిమికొట్టండి... పరాకాష్ఠకు చేరిన తమిళ నటుల ఎన్నికల ఫైట్!

విశాల్ తెలుగోడు కావడంతో టార్గెట్

నడిగర్ సంఘం తమిళులు కాని వ్యక్తుల చేతుల్లో ఉందని, ఇలాంటి పరిస్థితి ఉండటం చాలా బాధగా ఉందని, భాగ్యరాజా నేతృత్వంలోని టీంను గెలిపించుకోవడం ద్వారా తమిళ నటుల ఉనికిని కాపాడుకోవాల్సిన అవసరం ఉందంటూ భారతీరాజా వ్యాఖ్యానించారు.

తమిళ సినీ నటుల సంఘంగా మారుస్తాం

తాము గెళిస్తే నడిగర్ సంఘం(దక్షిణ భారత సినీ నటుల సంఘం) పేరు... తమిళ సినీ నటు సంఘంగా మారుస్తామని... ఇప్పుడు తెలుగు, మలయాళం పరిశ్రమలకు సపరేటుగా సంఘాలు ఉన్నాయి. పాత కాలం నాటి ఈ పేరు ఇంకా కొనసాగించాల్సిన అవసరం లేదని, భాగ్యరాజా టీం గెలిస్తే దీన్ని తమిళ సినీ నటుల సంఘంగా మారుస్తామని ప్రచారం చేస్తున్నారు.

విశాల్‌ను తరిమి కొట్టాలి

తమిళ సినీ నిర్మాతల మండలిలో అధ్యక్షుడిగా బాధ్యతలు చేపట్టిన తర్వాత విశాల్ పందికొక్కులా మారాడని, నిధులు దుర్వినియోగం చేస్తున్నాడని, విశాల్ లాంటి పందికొక్కుతో పాటు అందులోని చీడపురుగులను నిర్మాతల మండలి నుంచి తరిమి కొట్టాల్సిన అవసరం ఉందంటూ భారతీరాజా వ్యాఖ్యానించారు.

విశాల్ టీం కూడా అదే స్థాయిలో...

మరో వైపు విశాల్ అండ్ టీం కూడా ఈ ఎన్నికల్లో మరోసారి అధికారం చేజిక్కించుకోవడానికి శక్తిమేర ప్రయత్నిస్తున్నారు. గతంలో పదవిలో ఉన్నవారు చేసిన అవినీతి పనులపై తీవ్రంగా ప్రచారం చేస్తున్నారు. ఈ క్రమంలోనే తన తండ్రిపై విశాల్ చేసిన ఆరోపణలపై హీరోయిన్ వరలక్ష్మి ఆగ్రహం వ్యక్తం చేసిన సంగతి తెలిసిందే.