నమిత వలలో రాజా

By Staff

Published: Thursday, March 12, 2026, 8:40 [IST]

సెవెంటీస్ లో నరసింహరాజు, జయమాలిని హీరోహీరోయిన్లుగా జానపద బ్రహ్మ విఠలాచార్య దర్శకత్వంలో వచ్చిన 'జగన్మోహిని' ఘన విజయం సాధించిన విషయం తెల్సిందే. ఈ టైటిల్‌, కథ తోనే ఈ తరం హీరోహీరోయిన్లతో 'జగన్మోహిని' చిత్రాన్ని నిర్మిస్తున్నారు. ఈ చిత్రంలో భారీ అందాల నమిత ,హీరోని తన అందచందాలతో ఆకట్టుకునే జగన్మోహినిగా కనపడనుంది. ఇక ఆమె వలలో పడి అన్నీ త్వజించి ఆమె నామ జపమే చేసే హీరోగా ఆనంద్ రాజా చేస్తున్నారు. 'ఆనంద్', 'వెన్నెల' వంటి పలు చక్కటి కథా చిత్రాలతో తనకుంటూ ప్రత్యేక గుర్తింపును తెచ్చుకున్న రాజా కి ఈ జానపద పాత్ర పరీక్ష వంటిదే.

ఇక ఈ సినిమాలో రాజా అప్పటి నరసింహరాజు పోషించిన యువరాజు పాత్ర లో కనిపిస్తారు. గ్రాఫిక్స్ కి ప్రాధాన్యత ఉన్న ఈ సినిమాలో కథలో యువరాజు తనను మాయచేసిన జగన్మోహిని వలలో పడిపోతాడు. ఆ అందాల భామ అంగాంగ ప్రదర్శనకు మంత్రముగ్ధుడైన హీరో.. ఆమె కొంగుపట్టుకుని తిరుగుతూంటాడు. అప్పుడు ఆమె భార్య ఎలా తన భర్తని ఆమె నుండి రక్షించుకుందనేదే ఈ కథలో ఆసక్తికర అంశం.తెలుగు, తమిళ భాషల్లో నిర్మిస్తున్నఈ జానపద చిత్రానికి నిర్మాత హెచ్.మురళి . అటు తమిళం, ఇటు తెలుగు చిత్రసీమల్లో తన అందచందాలతో కుర్రకారు ప్రేక్షకులను గిలిగింతలు పెట్టిస్తున్న నమిత.. ఈ చిత్రంలో తన అందాలను విస్తారంగానే ఆరబోసినట్టు సమాచారం. ఇక మరో కథానాయికగా మీరాచోప్రా కనిపించి అలరించనుంది.

More from Filmibeat