హోమ్

Tamil

యంగ్ టైగర్ ఎన్టీఆర్ నటించిన 'టెంపర్' 2014లో విడుదలై మంచి విజయం అందుకుంది. పూరి జగన్నాధ్ దర్శకత్వం వహించిన ఈ మూవీలో ఎన్టీఆర్ నటవిశ్వరూపం చూపించాడు. మంచి కంటెంట్ ఉన్న హిట్ మూవీ కావడంతో తమిళంలో విశాల్ హీరోగా ఈ చిత్రం రీమేక్ అయింది.

తాజాగా ఎన్టీఆర్ నటించిన మరో మూవీ తమిళంలో రీమేక్ ప్రయత్నాలు జరుగుతున్నట్లు తెలుస్తోంది. సుకుమార్ దర్శకత్వంలో ఎన్టీఆర్ హీరోగా రూపొందిన 'నాన్నకు ప్రేమతో' 2016 సంక్రాంతి సందర్భంగా విడుదలై బాక్సాఫీసు వద్ద మంచి విజయం అందుకుంది.

ఈ మూవీ కేవలం తెలుగు రాష్ట్రాల్లో వసూళ్లు అదరగొట్టడమే కాదు... ఎన్టీఆర్ కెరీర్లో యూఎస్ఏ బాక్సాఫీసు వద్ద 2 మిలియన్ డాలర్ సాధించిన తొలి చిత్రంగా నిలిచింది. ఫాదర్ సెంటిముంటుతో కూడిన ఈ చిత్రాన్ని త్వరలో తమిళంలో రీమేక్ చేయడానికి ప్రయత్నాలు జరుగుతున్నాయట.

అయితే తమిళంలో ఎవరు దర్శకత్వం వహిస్తారు? ఎన్టీఆర్ పాత్రను ఎవరు పోషిస్తారు? అనే విషయాలు ఇంకా బయటకు రాలేదు. కాగా... ప్రస్తుతం ఎన్టీఆర్ తెలుగులో త్రివిక్రమ్ శ్రీనివాస్ దర్శకత్వంలో 'అరవింద సమేత' చిత్రం చేస్తున్నారు. ఎస్ రాధాకృష్ణ నిర్మిస్తున్న ఈ మూవీ దసరా సందర్భంగా విడుదల కాబోతోంది. ఈచిత్రం తర్వాత ఆయన రాజమౌళి మూవీలో నటించబోతున్నారు.