ఐపీఎస్‌గా మారిన నయనతార

చెన్నై: షాకైపోకండి...నయనతార ఐపీఎస్‌గా మారింది నిజజీవితంలో కాదు. ఓ సినిమాలో.. జయం రవికి జంటగా తొలిసారినటిస్తున్న 'తని ఒరువన్‌' చిత్రంలో ఆమె ఇలా ఐపీఎస్‌గా నటిస్తున్నారు. జయంరవి సోదరుడు జయంరాజా ఈ చిత్రాన్ని నిర్మిస్తున్నారు. ఏజీఎస్‌ సంస్థ నిర్మిస్తోంది. దేవిశ్రీప్రసాద్‌ సంగీతం సమకూర్చుతున్నారు. ఈ సినిమా చిత్రీకరణ శరవేగంగా సాగుతోంది.

నయనతార ఇందులో యాక్షన్‌పాత్ర పోషించినట్లు వార్తలు వస్తున్నాయి. అంతేకాకుండా గుర్రంపై స్వారీ చేసే సన్నివేశాలను కూడా ఇటీవలే చిత్రీకరించారు. ఈ సన్నివేశాలు వాస్తవికంగా ఉండాలనే ఉద్దేశంతో కొన్ని రోజులపాటు గుర్రపుస్వారీ నేర్చుకుంది నయనతార.

అంతేకాదు.. రోజు షూటింగ్‌కు ముందు ఓ సారి రిహార్సల్‌ కూడా చేస్తోందట. ఖాకీ దుస్తుల్లో గుర్రంపై ఈ అమ్మడు స్వారీ చేసే దృశ్యాలు చిత్రయూనిట్‌నే ఆకర్షించాయట. ఇన్నిరోజులు వెండితెరపై అందాలను ఆరబోసిన నయనతార ఇప్పుడు యాక్షన్‌ బాట పట్టింది. మరి ప్రేక్షకులు ఏమేర ఆమెకు ఎర్రతివాచి పరుస్తారో వేచి చూడాలి అంటోంది కోలీవుడ్.