అభిమానిని కొట్టిన నయనతార

By Staff

| Published: Wednesday, March 11, 2009, 14:16 [IST]

నయనతార ఓ అభిమానిని కొట్టి, అతని కెమెరా పగలకొట్టడం చెన్నై వర్గాల్లో చర్చనీయాంశంగా మారింది. తమిళనాడులోని కొట్టాయం వద్ద ఈ సంగటన చోటు చేసుకుంది. ఓ ప్రెవేట్ ఫంక్షన్ కి మంగళవారం(నిన్న) అటెండయిన ఆమె అది పూర్తి కాగానే అక్కడ ఓ స్టార్ హోటల్ కి తిరిగి వెళ్ళింది. ఈ లోగా ఓ వీరాభిమాని ఆమెను చూసి తట్టుకోలేక ఫొటోలు తీయటం ప్రారంభించాడు. సర్లే పోన్లే అని మొదట అనుకున్న నయనతార తర్వాత మూడు క్లిక్ లు అయినా అతను మానకపోవటం చూసి కోపం తెచ్చుకుని ఆపమంది. అతను ఆగకుండా తన పని తాను కంటెన్యూ చేస్తున్నాడు.

అప్పటికే పంక్షన్ లో అలసిపోయిన నయన వెంటనే వైలెంట్ గా రియాక్ట్ అయింది. అతని దగ్గరకెళ్ళి కెమెరా లాక్కుని నేల కేసి కొట్టింది. అంతే గాక అతని లెంప పగలకొట్టింది. అక్కడితో ఆగక ఆమె తన బాడీ గార్డులకు సైగ చేసింది. వెంటనే వారు రంగంలోకి దూకి ఆ అభిమానిని చావ చితక్కొట్టారు. ఆ తర్వాత ఆ హోటల్ వారు వచ్చి విడతీసారు. పోలీస్ కంప్లైంట్ ఇచ్చారు. అయితే నయనతార ఏ కంప్లైంట్ ఇవ్వటానికి ఇష్టపడలేదు. అది జాలో లేక ఎందుకు రిస్క్ అని అనుకుందో కానీ పాపం అతను బ్రతికిపోయాడు. దెబ్బలు బాగా తగలటంతో ఆసుపత్రికి తీసుకెళ్లాడని స్ధానిక పత్రికలు ప్రచురించాయి.