నయన తార...ఛలో బాలీవుడ్

By Staff

| Published: Saturday, July 19, 2008, 16:44 [IST]

అసిన్, జెనీలియా, శ్రియ బాలీవుడ్ కి వెళ్ళి సక్సెస్ తో దూసుకుపోతుంటే తోటి హీరోయిన్స్ కీ ఆ ఆశ పుట్టటం సహజం. తాజాగా నయనతార కూడా బాలీవుడ్ కి వెళ్ళాలని ప్లాన్ చేస్తోందిట. అందులోనూ ఈ మధ్య ఆమెను ఓ పెద్ద బ్యానర్ వారు సంప్రదించటంతో ఎగిరిగంతేసినంత పని చేసిందిట. ఇప్పటికే ఆమె తెలుగు,తమిళ సినిమాల్లో వరస సినిమాలు చేస్తూ బిజీగా ఉంది. దాదాపు కోటిన్నర రెమ్యునేషన్ తీసుకుంటోంది. దాంతో హిందీలో అయితే రెండు కోట్లు పైగా సినిమాకు లాగచ్చని అసలు ఆలోచనట. అయితే హోమ్లీ లుక్ తో బొద్దుగా ఉండటంతో జీరో సైజు అంటూ పాట పాడుతున్న బాలీవుడ్ ఎంతవరకూ ఆదరిస్తుందని ఆలోచనలో పడుతోందిట.

అందుకే బాలీవుడ్ కెళ్తుందని వార్తలు బయిటకు పొక్కగానే ఆఫర్ రావటం నిజమేగానీ...ఇంకా డెషిసన్ తీసుకోలేదు. పూర్తి స్ధాయిలో తమిళ,తెలుగు సినిమాలపై కాన్సర్ టేట్ చేద్దామనే ఉద్దేశం ఉందని చెప్పిందిట. అయితే బాలీవుడ్ లోకి వెళ్ళాలంటే అక్కడ మంచి డైరక్టర్ , బ్యానర్, హీరో వంటివి పరిగణనలోకి తీసుకుంటానంటోంది. అంటే ఆశ ఉన్నట్లేగా అని అంటున్నారు తోటి వాళ్ళు పాయింట్ పట్టుకున్నట్లుగా...ప్రస్తుతం రజనీతో చేసిన కథానాయుకుడు, విశాల్ తో చేసిన సెల్యూట్ రిలీజుకు రెడీ అయ్యాయి. అలాగే తమిళ హీరోలు అజిత్,విజయ్,క్రాంతి ల సరసన చేస్తోంది. అయితే 2009 ప్రారంభంలో ఆమె బాలీవుడ్ ప్రాజెక్టు మెటీరియలైజ్ అయ్యే అవకాశం ఉందని దగ్గరవారితో ఆమె అన్నదని తెలుస్తోంది.