For Quick Alerts
    ALLOW NOTIFICATIONS  
    For Daily Alerts

    యూట్యూబ్‌లో తన క్లిప్స్ వద్దంటూ పవర్ స్టార్

    By Srikanya
    |
    Srinivasan
    చెన్నై : 'అళగన్‌ అళగి' చిత్రంలో ఓ ఆంగ్ల పాటలో నటించాను. ఆ పాటని యూట్యూబ్‌లోనే సుమారు ఆరులక్షల మంది అభిమానులు చూశారు. అందుకే థియేటర్లకు రాలేదు. నాకు సంబంధించిన పెద్ద సన్నివేశాలను, ట్రైలర్‌ను యూట్యూబ్‌లలో విడుదల చేయకండి. అప్పుడే జనం థియేటర్‌కు వస్తారని నిర్మాతలు, దర్శకులకు సూచించారు పవర్ స్టార్.

    'పవర్‌స్టార్‌' అంటే తమిళ ప్రజలకు టకీమని గుర్తుకొచ్చే నటుడు డాక్టర్‌ శ్రీనివాసన్‌. తాజాగా ఆయన ప్రధాన పాత్రలో నటించిన 'సుమ్మా నచ్చును ఇరుక్కు' ఆడియో విడుదల చెన్నైలో జరిగింది. నిర్మాతల మండలి అధ్యక్షుడు ఎస్‌ఏ చంద్రశేఖర్‌, ప్రముఖ సంగీత దర్శకులు తమన్‌, విజయ్‌ ఆంటోనీ, జీవీ ప్రకాశ్‌ తదితరులు ముఖ్య అతిథులుగా హాజరయ్యారు. అచ్చు స్వరాలు సమకూర్చిన పాటల సీడీని జీవీ ప్రకాశ్‌ విడుదల చేశారు.

    ఈ సందర్భంగా పవర్‌స్టార్‌ మాట్లాడుతూ.. అన్ని ప్రాంతాల్లోనూ నాకు అభిమానులున్నారు. నేను నటించిన 'కన్నా లడ్డు తిన్న ఆశయా'ను వారే పెద్ద హిట్‌ చేశారు అన్నారు. మొన్న సంక్రాంతికి విడుదలైన 'కన్నా లడ్డు తిన్న ఆశయా'తో పవర్‌స్టార్‌ డాక్టర్‌ శ్రీనివాసన్‌ హాస్యనటుడిగా మంచిపేరు సంపాదించుకున్నాడు.

    దాంతో ఆయన వేరే వారి సినిమాలో ప్రత్యేక గీతంలో చిందులేశారు. పి.టి.సెల్వకుమార్‌ దర్శకత్వంలో వినయ్‌, లక్ష్మీరాయ్‌ జంటగా వస్తున్న తాజా చిత్రం 'ఒన్బదుల గురు'. ప్రేమ్‌జీ, సత్యన్‌ ముఖ్యపాత్రలు పోషిస్తున్నారు. చిత్రీకరణ చివరిదశకు చేరుకుంది. ఇందులో ముఖ్యమైన గీతంలో పవర్‌స్టార్‌ను నటింపజేశారు. ఇది సినిమాలో కీలకమైనదని దర్శకుడు చెబుతున్నాడు. పవర్‌స్టార్‌ రాకతో సెట్‌ హాస్య పందిరిగా మారిందని, దర్శకుడి సూచనలకు అనుగుణంగానే పవర్‌స్టార్‌ కూడా అడుగులేశాడట. యువతను ఆకట్టుకునేలా ఉంటుందని చిత్రబృందం చెబుతోంది.

    English summary
    Tamil Actor Power Star Srinivasan says that he is not intrested in Youtube. His fans see his film clips in Youtube and not came to theatre.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X