రజనీ 'బస్' వస్తోంది!!!

By Staff

Published: Tuesday, March 10, 2026, 13:02 [IST]

పబ్లిసిటీ లేని వ్యాపారం ...చీకట్లో కన్ను కొట్టడం లాంటిదన్నాడో మహానుభావుడు. ధాన్ని బాగా నమ్మి ఆచరించే వాళ్ళు ....సినిమా వాళ్ళనేది జగమెరిగిన సత్యం. తాజాగా రజనీకాంత్ హీరోగా పి.వాసు రూపొందిస్తున్న సినిమా 'కుశేలన్' రిలీజుకు రెడీగా ఉంది. ఆ సినిమా ఆడియో రైట్స్ 2.5 కోట్లకు ,ఫిల్మ్ రైట్స్ 60 కోట్లకు పెద్ద మొత్తంలో అమ్మిన నేపధ్యంలో పబ్లిసిటీ వెరైటీగా చెయ్యాలని దర్శక,నిర్మాతలు నిర్ణయించుకున్నారుట. దాని కోసం అందరినీ ఆకర్షించేలా ఓ వెరైటీ ప్లాన్ చేసారుట.

అదీ రజనీ బస్. చెన్నై లో కుశేలన్ పబ్లిసిటీలో భాగంగా ఒక బస్సుని తీసుకుని పూర్తిగా రజనీకాంత్ పోస్టర్స్ తో అలంకరించి సిటీలో తిప్పబోతున్నారుట. ఆ బస్సులో ప్రయాణం ఫ్రీ ట. అంతేగాక ఈ బస్ లో కుశేలన్ పాటలు డిస్ట్రిబెన్స్ లేకుండా మెల్లిగా వినపడేలా ఎరేంజ్ చేస్తున్నారుట. నయనతార జెండా ఊపి ప్రారంభిస్తుందిట. మరి 'కధానాయకుడు' గా ఈ సినిమా ఇక్కడ కూడా రిలీజవటంతో మనకు కూడా ఇట్లాంటి బస్ వస్తుందా అని అభిమానులు ఎదురుచూస్తున్నారు.

More from Filmibeat