Don't Miss!
- News 527 భారత ఫుడ్ ఐటమ్స్ లో క్యాన్సర్ కారకాలు-జాబితాలో ఇవే- ఈయూ గుర్తింపు..!
- Sports RCB Playing XI: అతనికి నిరాశే.. సన్రైజర్స్ హైదరాబాద్తో తలపడే ఆర్సీబీ తుది జట్టు ఇదే!
- Lifestyle పురుషుల్లో ఈ లక్షణాలు ఉంటే.. ఖచ్చితంగా డిప్రెషన్కు గురైనట్టే..!
- Automobiles కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
హాట్ హీరోయిన్ వ్యాఖ్యలపై కోర్టులో పిటిషన్
చెన్నై : తమిళ హీరోయిన్ సోనా,టిష్యూ పేపర్ వివాదం రోజు రోజుకీ ముదురుతోంది. తాజాగా సోనాకు వ్యతిరేకంగా పురుషుల భద్రతా సంఘం రాష్ట్ర ప్రధాన కార్యదర్శి మధుసూదనన్ ఎగ్మూర్ మేజిస్ట్రేట్ కోర్టులో సోమవారం పిటిషన్ దాఖలు చేశారు. సోనా తమిళ పత్రికకు ఇచ్చిన భేటీలో పురుషులను కించపరిచేలా వ్యాఖ్యలు చేశారని అందులో ఆరోపించారు. పురుషులను టిష్యూ పేపరుతో పోల్చడం ఆవేదనకు గురి చేసిందన్నారు. ఇందుకు సంబంధించి ఆమె క్షమాపణ చెప్పాలని కోరతూ నగరంలో ఆందోళనలు చేపట్టినా ఎలాంటి స్పందన లేదని తెలిపారు. ఆమెపై కేసు నమోదు చేసేలా ఆదేశాలు జారీ చేయాలని కోరారు. ఈ పిటిషన్పై డిసెంబర్ 3న విచారణ జరగనుంది.
'పురుషుల్ని టిష్యూ పేపర్లా వాడుకోవాలి.. 'ఆ' అవసరం తీరిన తరువాత చేతులు దులుపుకోవాలి.. వారితో వివాహం పేరుతో శాశ్వత బంధాన్ని పెంచుకోకూడదు'అంటూ వివాదాస్పద వ్యాఖ్యలు చేసిన ప్రముఖ సినీనటి సోనాపై తమిళనాడు పురుషుల భద్రతా సంఘం మండిపడింది. సోనా వెంటనే తన వ్యాఖ్యలను ఉపసంహరించుకోకపోతే పరిణామాలు తీవ్రంగా వుంటాయని హెచ్చరించింది. సోనా ఇంటిని ముట్టడిస్తామని ప్రకటించింది. దీంతో చెన్నయ్లోని సోనా ఇంటికి ముందస్తు జాగ్రత్తగా పోలీసులు భద్రత కల్పించారు.
మహిళా సంఘాలు కూడా సోనా వ్యాఖ్యలను ఖండించాలని పిలుపునిచ్చారు. ఓ వార పత్రికకు ఇంటర్వ్యూ ఇచ్చిన సోనా తన పెళ్లి ప్రస్తావనపై స్పందిస్తూ 'లైంగిక జీవితంలో పురుషులను టిష్యూ పేపర్లాగా వినియోగించుకోవాలం'టూ వ్యాఖ్యానించడంతో పెద్ద దుమారమే రేగుతోంది.
ఇదిలా వుండగా, వివాదం ముదురుతోందని గ్రహించిన సోనా నింపాదిగా తేరుకుంది. తాను అలా అనలేదని, తాను ఎవరికీ, ఏ పత్రికకూ ఇంటర్వ్యూ ఇవ్వలేదని, తాను అనని మాటలను అన్నట్టుగా చిత్రీకరిస్తూ తనను వివాదంలోకి లాగుతున్నారంటూ సోనా వాపోయింది. ఓ తమిళ పత్రిక ప్రతినిధితో మాట్లాడిన సోనా తనపై రేగుతున్న వివాదంపై పైవిధంగా స్పందించింది. 'పురుషులంటే నాకు ప్రత్యేకమైన గౌరవం వుంది. నా స్నేహితుల్లో 99 శాతం మంది పురుషులే'నంటూ చెప్పుకొచ్చింది. ఎవరో కావాలనే తనను వివాదంలో ఇరికించేందుకే ఇలాంటి వదంతులు పుట్టిస్తున్నారని వెల్లడించింది. కాగా ఆమె నగర పోలీసు కమిషనర్ జార్జిని కలుసుకొని తనపై వదంతులను పుట్టించే వారిపై చర్యలు చేపట్టాలని ఫిర్యాదు చేసింది.