బూతు డోసు ఎక్కువైంది.. నచ్చకపోతే చూడొద్దంటున్న బిగ్ బాస్ బ్యూటీ!

ట్రైలర్ చూసి సినిమాను డిసైడ్ చేయవద్దు

ట్రైల‌ర్ చూసి సినిమా మొత్తం అదే ఉంటుందని ఎలా డిసైడ్ చేస్తారు? అని ఓవియా ప్రశ్నించారు. స్వేచ్ఛ‌గా జీవించే మ‌హిళ‌ మనోభావాలను ఫోకస్ చేసే విధంగా కొన్ని సీన్లు ఉన్న మాట నిజమే.. వాటిని భూతద్దంలో పెట్టి చూడాల్సిన పని లేదన్నారు.

మద్యం, సిగరెట్ పురుషులకు మాత్రమేనా?

మద్యం, సిగరెట్ సేవిస్తున్న సీన్లు పురుషులపై చిత్రీకరించినపుడు లేని అభ్యంతరం మహిళలపై చిత్రీకరిస్తే తప్పేంటని ఓవియా ప్రశ్నించారు. పురుషాధిక్య సమాజంలో ఇలాంటి అభ్యంతరాలు వస్తాయని తాను ముందే ఊహించినట్లు తెలిపారు.

ఆ విషయాల్లో నన్ను ఫోలో అవ్వొచ్చు

ప్రజలు సినిమా స్టార్లను తమ రోల్ మోడల్‌గా ఎందుకు తీసుకుంటారో తెలియదు. నా తల్లిదండ్రులే నా రోల్ మోడల్. నేను వారిని ఫాలో అవ్వడానికి ప్రయత్నిస్తాను. మీరు నన్ను రోల్ మోడల్‌గా తీసుకోవాలనుకుంటే నా పర్సనల్ లైఫ్‌ను ఫాలో అవ్వండి. సినిమాల్లో నటించే విషయాలను ఫాలో అవ్వొద్దు. నేను సోషల్ రెస్పాన్సిబిలిటీ ఉన్న వ్యక్తిని. తాగి వాహనం నడపను, పబ్లిక్ ప్లేసులో పొగ త్రాగను, టాక్స్ చెల్లిస్తాను. నేను నిజ జీవితంలో చేసే ఈ విషయాలను ఫాలో అవ్వండి. 90 ఎంఎల్ చిత్రంలో ఓవియా కేవలం నటి. డైరెక్టర్ ఏమి చెబితే అది చేస్తుంది అని చెప్పుకొచ్చారు.

కష్టమైతే చూడటం మానేయండి

మీకు అలాంటి సన్నివేశాలు చూడటం కష్టమైతే చూడటం మానేయండి అంటూ ఓవియా కాస్త ఘాటుగానే... విమర్శకులు చేస్తున్న వారికి సమాధానం ఇచ్చారు. సినిమా రిలీజ్ కోసం మా టీం మొత్తం వెయిట్ చేస్తోంది, అభిమానులతో కలిసి సినిమాను చూస్తామన్నారు.

90 ఎంఎల్

అలగియ అసుర దర్శకత్వం వహిస్తున్న ఈ చిత్రానికి తమిళ స్టార్ శింబు సంగీతం అందిస్తుండటం విశేషం. మార్చి 1న ఈ చిత్రాన్ని విడుదల చేసేందుకు ప్లాన్ చేస్తున్నారు.