ఆ స్టైలిష్ డైరక్టర్ తో పవన్ కళ్యాణ్ నెక్ట్స్ కన్ఫర్మ్

కొమురం పులితో త్వరలో ముందుకు రానున్న పవన్ కళ్యాణ్ మరికొద్దిరోజుల్లో ఓ సంచలనమైన న్యూస్ తన అభిమానులకు ఇవ్వబోతున్నారు. అది మరేదో కాదు...స్టైలిష్ డైరక్టర్ గా పేరొందిన తమిళ దర్శకుడు విష్ణు వర్దన్ డైరక్షన్ లో ఓ చిత్రం కమిటయ్యారని తెలిసింది. విష్ణు వర్ధన్ తమిళంలో అజిత్ హీరోగా తీసిన భిళ్ళ చిత్రం ఎంత సంచలనం సృష్టించిందో తెలిసిందే. ఈ చిత్రాన్నే మెహర్ రమేష్..ప్రభాస్ హీరోగా భిళ్లాగా తెలుగులోకి అనువదించారు. ఇక ఈ మేరకు విష్ణు వర్ధన్ తో పవన్ కల్యాణ్ చర్చలు పూర్తయ్యాయని, కథ కూడా ఓ కొలిక్కి వచ్చిందని ఫిల్మ్ సర్కిల్స్ లో హాట్ గా వినపడుతున్న న్యూస్. ఇక ప్రస్తుతం సింగీతం దర్శకత్వంలో జీసస్ క్ర్రీస్ట్ జీవిత కథతో రూపొందే కొండా కృష్ణంరాజు నిర్మించే చిత్రంలో పవన్ నటించటానికి ఇజ్రాయిల్ వెళ్ళారు.