'రోబో' ఫీడ్ బ్యాక్ రాసేందుకు కార్డుల పంపిణీ

ఈ రోజు రిలీజవుతున్న రోబో చిత్రం మరో విశాషాన్ని సంతరించుకుంది. ఈ చిత్రం చూసి వచ్చే ప్రేక్షకులుకు ఓ పోస్ట్ కార్డు ఇస్తారు. దానిపై రోబో..రజనీ, ఐశ్వర్య ఫోటోలుంటాయి. ఆ కార్డు వెనక సినిమా చూసిన ప్రేక్షకుడు తన అనుభూతి ఏమిటన్నది రాసి అక్కడున్న భాక్స్ లలో వేయవచ్చు. నచ్చితే నచ్చిందని, నచ్చకపోతే..ఏం బాగోలేదో ఫీడ్ బ్యాక్ రాయాలంటున్నారు రజనీ ఫ్యాన్స్. అయితే ఈ సదుపాయం ఆంద్రాలో లేదు. కోయంబత్తూరు, తిరుచ్చి, సేలం, తిరువనెల్లి వంటి ప్రాంతాల్లో అమలు చేస్తున్నారు. ఇప్పటికే ధియోటర్స్ వద్ద పంపిణీ చేసేందుకు లక్షా యాభై వేల కార్డులు ప్రింట్ చేసారు. ఇక ఈ ఫీడ్ బ్యాక్ ని బట్టి అభిమానులు రజనీ నుంచి ఇంకా ఏమి కోరుకుంటున్నారు...ఏం నచ్చుతోందనే విషయాలు తెలుస్తాయని ఈ పంపిణీ చేసే ఫ్యాన్స్ చెప్తున్నారు.