For Quick Alerts
    ALLOW NOTIFICATIONS  
    For Daily Alerts

    ఒంగోలు హోటల్‌ అధినేత కంప్లైంట్...పవర్ స్టార్ అరెస్టు

    By Srikanya
    |

    Srinivasan
    చెన్నై : ఆంధ్రప్రదేశ్‌లోని ఒంగోలుకు చెందిన హోటల్‌ అధినేత రంగనాథన్‌(60) ఇచ్చిన కంప్లైంట్ మేరకు పవర్ స్టార్ ని అరెస్టు చేసారు. యాభై లక్షల మోసం చేసారని ఆ కంప్లైంట్ లో ఉండటంతో నటుడు డాక్టర్‌ శ్రీనివాసన్‌ను నేర విభాగ పోలీసులు అరెస్టు చేశారు.

    పోలీసులకు అందిన ఫిర్యాదు మేరకు.. రంగనాథన్‌ తన వ్యాపార అభివృద్ధికి రుణాల కోసం పలువురిని సంప్రదించాడు. ఆ తరుణంలో ఆంధ్ర, తమిళనాడుకు చెందిన ఇద్దరు ఏజెంట్లతో మాట్లాడాడు. వారు పవర్‌స్టార్‌ శ్రీనివాసన్‌ వద్దకు తీసుకెళ్లారు. రూ.50 లక్షలు కమీషన్‌ ఇస్తే రూ.20 కోట్లు ఇప్పిస్తానని శ్రీనివాసన్‌ చెప్పారు.

    ఆయన డిమాండ్‌ మేరకు ఈ ఏడాది ఫిబ్రవరిలో రంగనాథన్‌ రూ.50 లక్షలు ఇచ్చారు. చెప్పిన సమయానికి రుణం ఇప్పించకపోవడం మాత్రమే కాక తీసుకున్న కమీషన్‌ కూడా ఇవ్వలేదు. బాధితుడు పోలీసు కమిషనర్‌కు ఫిర్యాదు చేశారు.

    కమిషనర్‌ ఆదేశాల మేరకు నేర విభాగ సహాయ కమిషనర్లు శివకుమార్‌, శ్రీధర్‌లతో ప్రత్యేక బృందం విచారణ చేపట్టింది. ఈ నేపథ్యంలో సాలిగ్రామం ప్రాంతంలో పవర్‌స్టార్‌ను నేర విభాగ పోలీసులు అరెస్టు చేశారు. ఆయనపై 420, 120(బి) విభాగాల్లో కేసులు నమోదు చేశారు.

    అరెస్టయిన పవర్‌స్టార్‌ను కమిషనర్‌ కార్యాలయంలో ఉంచి విచారణ చేపట్టారు. అనంతరం ఎగ్మూరు మెట్రోపాలిటన్‌ మేజిస్ట్రేటు ఎదుట హాజరుపరిచారు. మేజిస్ట్రేటు ఆదేశాల మేరకు పుళల్‌ జైలుకు తరలించారు. గతంలో తిరుచెంగోడుకు చెందిన పారిశ్రామిక వేత్త, మదురైకి చెందిన గణేశ్‌కుమార్‌లు కూడా పవర్‌స్టార్‌పై కేసులు వేసిన విషయం తెలిసిందే.

    English summary
    ‘Power Star’ Srinivasan was arrested in the city on Friday for allegedly duping an Andhra Pradesh-based hotelier of Rs 50 lakh. Srinivasan had assured the businessman that he would help him secure a loan of Rs 20 crore for an expansion project. The crime branch police picked up S. Srinivasan, 50, who acts in Tamil films, from his residence in Anna Nagar East on Friday morning.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X