ప్రకాష్ రాజుకి మరో ట్విస్టు!!

By Staff

| Published: Thursday, September 18, 2008, 10:54 [IST]

ఆ మధ్య తను నిర్మిస్తున్న సినిమా కి త్రిష డేట్స్ సరిగా ఎడ్జెస్ట్ చేయక ఇబ్బంది పెడుతోందని నిర్మాతల మండలిలో ప్రకాష్ రాజ్ కంప్లయింట్ చేసిన సంగతి తెలిసిందే. ఆ గొడవ పూర్తిగా సెటిల్ కాకముందే మరో సారి ఆయన సేమ్ సిట్యువేషన్ లో పడ్డారు. అయితే ఇప్పుడాయన సభా అనే మరో దర్శకునిపై ధ్వజమెత్తుతున్నారు. శ్రీరామ్, భూమిక కాంబినేషన్ లో సినిమా తీస్తున్న సభా మొదట తనకే కథ వినిపించాడని కమిట్ మెంట్ జరిగాక వేరే వాళ్ళతో సినిమా ప్రారంభించాడని కంప్లయింట్.
అయితే సభా వెర్షన్ ప్రకారం ప్రకాష్ రాజ్ కి మొదట కధ వినిపించటం నిజమేనని అయితే ఫైనాన్సియల్ కారణాలతో ఆయన సినిమా చేయలేదని దాంతో మరో నిర్మాత ని వెతుక్కున్నాని చెప్తున్నాడు. ఇందులో తప్పేముందని వాదిస్తున్నాడు. అయితే ప్రకాష్ రాజ్ మాత్రం ఎగ్రిమెంట్ జరిగాక ఇలా నిర్మాతని చెప్పాపెట్టకుండా మార్చచ్చా అని ప్రశ్నిస్తున్నాడు. అయితే ఈ విషయమై నిర్మాతల మండలి ఇప్పటి వరకూ నోరు విప్పలేదు. గతంలో ప్రకాష్ రాజ్ ఇలాంటి తలనొప్పులే ఇతర నిర్మాతలకు తెచ్చేవాడని ...ఇప్పుడు ఆయన నిర్మాతగా మారాక తన దాకా వచ్చాక ఆ భాధ అర్ధమవుతోందని బయిట వారు ఘాటుగా విమర్శిస్తున్నారు.