Don't Miss!
- News కాలేజ్ క్యాంపస్ లో పోలిటికల్ లీడర్ కూతురి హత్య, కన్న కూతుర్ని ఎవరు ఎలా చంపారో చెప్పిన లీడర్ !
- Finance Amazon News: అమెజాన్ సీక్రెట్ స్టోర్.. ప్రాజెక్ట్ క్యూరియాసిటీ వివరాలివే..
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
ప్రేమిస్తే సంధ్య 'హాసిని'గా
బి.వి.రమణారెడ్డి దర్శకత్వంలో బి.కమలాకర్ రెడ్డి నిర్మిస్తున్న ఈ చిత్రం హైద్రాబాద్ లోని అన్నపూర్ణా స్టూడియోస్ లో ప్రారంభమైంది. ఈ సినిమాలో కమలాకర్('అభి' ఫేమ్), సంధ్య('ప్రేమిస్తే' ఫేమ్) జంటగా 'హాసిని' చిత్రం రూపొందుతోంది. హీరోహీరోయిన్లపై చిత్రీకరించిన ముహూర్తం సన్నివేశానికి రాష్ట్ర మంత్రి బాలినేని శ్రీనివాసరెడ్డి క్లాప్ ఇవ్వగా, వై.వి.సుబ్బారెడ్డి కెమెరా స్విచ్చాన్ చేశారు.
ఈ చిత్రానికి సంధ్య అయితేనే హీరోయిన్ గా బాగుంటుందని ఆమెను ఎంపిక చేశారని, సంగీత దర్శకుడుగా తనకు పేరు వస్తుందనీ కోటి వెల్లడించారు. ఇదొక ప్రేమ కథా చిత్రమనీ, వినోదం, సెంటిమెంట్ మేళవించి ఉంటుందనీ దర్శకుడు రమణారెడ్డి తెలిపారు. గురువారం నుంచి రెగ్యులర్ షూటింగ్ ప్రారంభించామనీ, కేరళ, వైజాగ్, మారిషస్ లో పాటల చిత్రీకరణ జరుపుతామనీ చెప్పారు. మాటల రచయిత మరుధూరి రాజా మాట్లాడుతూ, ఈ చిత్రం స్క్రిప్టు కోసం ఎక్కువ రోజులు పనిచేశాననీ, డైరెక్టర్ కు మంచిపేరు తెచ్చే చిత్రమవుతుందనీ అన్నారు. ఎక్కడా నెగిటివ్ అంశాలు లేని కథా చిత్రమిదని హీరో కమలాకర్ తెలిపారు. ప్రధానంగా హాసిని చుట్టూ కథ నడుస్తుందన్నారు. తెలుగులో మంచి కథ చిత్రం కోసం ఎదురుచూస్తున్న తరుణంలో ఈ అవకాశం వచ్చిందని సంధ్య పేర్కొంది. ఈ చిత్రంలోని ఇతర పాత్రల్లో గిరిబాబు, ధర్మవరపు సుబ్రమణ్యం, ఆహుతి ప్రసాద్, కృష్ణ భగవాన్, ఆలీ, వేణుమాధవ్, పృధ్వీ, శ్రీనివాసరెడ్డి, సురేఖా వాణి, రమ్యశ్రీ నటిస్తున్నారు.