ప్రియా 'మణి' రత్నం !!!

By Staff

Published: Wednesday, March 25, 2026, 17:56 [IST]

ఇప్పుడు సౌత్ లో ఎక్కడ విన్నా ప్రియమణి కబుర్లే. ఎందుకంటే సినీరంగంలోకి అడుగుపెట్టిన కొద్దిరోజులకే ఉత్తమనటిగా జాతీయ అవార్డుకు ఎంపిక కావడం అనేది సామాన్య విషయం కాదు. అది ప్రియమణి సాధించింది. ఆమె తమిళంలో నటించిన 'పరుత్తి వీరన్' చిత్రంలోని నటనకుగాను ఆమె జాతీయ అవార్డుకు ఎంపికవటంతో అందరి దృష్టి ఆమెపై పడింది. అవార్డు వచ్చాక దర్శక,నిర్మాతలు వెనుకపడటం సహజం... సామాన్య విషయం. కానీ ఆమె ప్రస్తుతం ప్రతిభావంతమైన దర్శకుడిగా పేరున్న మణిరత్నం సినిమాకు ఎంపికవటం ఎవరూ నమ్మలేని నిజమైంది. మరో జాతీయ ఉత్తమ నటుడు హీరో విక్రమ్‌,ఐశ్వర్యా రాయ్ ల కాంబినేషన్‌లో రానున్న చిత్రంలో ప్రియామణి మరో ఫ్రధాన పాత్రకి ఎంపికైంది.

అయితే ఈ చిత్రంలో ప్రియామణిది హీరోయిన్ పాత్ర మాత్రం కాదు. ఇందులో నెగటివ్ పాత్రలో నటిస్తున్న పృధ్వీరాజ్‌కు జోడీగా ప్రియామణి నటించనుంది. ఈ చిత్రంలో విక్రమ్‌ సరసన ఐశ్వర్యారాయ్ నటించనుంది. ఈ చిత్రంలో ప్రియామణిది హీరోయిన్ రోల్ కాకపోయినా విక్రమ్, ఐశ్వర్యారాయ్ లాంటి వారు నటిస్తున్న చిత్రంలో నటించడం గొప్పేనని కోలీవుడ్ వర్గాలు భావిస్తున్నాయట. అలాగే మణిరత్నం లాంటి స్టార్ డైరెక్టర్ చిత్రంలో చిన్న అవకాశమైన అది చాలా గొప్పదని కూడా వారు అంటున్నారట. యేదైమైనా లక్కీ గాళ్ ప్రియమణి...

More from Filmibeat