నా భర్తే ప్రైవేట్ ఫోటోలు లీక్ చేశాడు.. అందుకే విడాకులు.. హీరోయిన్ సంచలనం!

కొన్ని చిత్రాల్లో మాత్రమే

నటి ప్రియాంక వసంత బాలన్ దర్శత్వం వహించిన వెయిల్ చిత్రంతో హీరోయిన్ గా మారింది. ఆ తరువాత కొన్ని తమిళ, మలయాళీ చిత్రాల్లో నటించింది. కానీ ప్రియాంకకు ఆశించిన స్థాయిలో గుర్తింపు రాలేదు. ఆ సమయంలో దర్శకుడు లారెన్స్ రామ్ ప్రేమలోపడింది. ఈ జంట 2012 లో వివాహం చేసుకుని దాంపత్య జీవితాన్ని ప్రారంభించారు.

కుమారుడు పుట్టాక

మూడేళ్లపాటు అన్యోన్యంగా సాగిన వీరి జీవనంలో కుమారుడు పుట్టాక మస్పర్థలు మొదలయ్యాయి. ప్రియాంక కొడుకుతో కలసి పుట్టింటికి వెళ్లి తిరిగి రాలేదు. ఆ సమయంలో వీరిద్దరూ విడాకులు పొందారు. ఈ విషయాలని ప్రియాంక ఎప్పుడూ బయటకు ప్రస్తావించలేదు తాజాగా జరిగిన ఓ ఇంటర్వ్యూలో తన వైవాహిక జీవితంలో సమస్యలు ఎందుకు వచ్చాయో వివరించింది.

నటించడం ఇష్టం లేదు

వివాహం తర్వాత కూడా నేను నటిగా కొనసాగాలని భావించా. కానీ నా భర్తకు నటించడం ఇష్టం లేదు. ఇంటిపట్టనే ఉండాలని ఆంక్షలు విధించాడు. అతడి వైఖరి నాకు నచ్చలేదు. నటన తప్ప నాకు జీవితంలో మరొకటి తెలియదు అని ప్రియాంక తెలిపింది. అలా మా మధ్య సమస్యలు మొదలయ్యాలని ప్రియాంక తెలిపింది. కానీ మేమిద్దరం విడిపోవడానికి అసలు కారణం ఇది కాదని పేర్కొంది.

ప్రైవేట్ ఫోటోలు లీక్

తామిద్దరం ప్రైవేట్ గా గడిపిన ఫోటోలని ఆయన లీక్ చేశాడు. ఈ విషయం తెలిశాక నాకు చాలా అసహ్యంగా అనిపించింది. అలాంటి వ్యక్తితో కలసి జీవించలేక విడాకులు పొందానని ప్రియాంక స్పష్టం చేసింది. వీరు కుమారుడు ప్రస్తుతం ప్రియాంక వద్దనే ఉన్నాడు. కొడుకు కోసం లారెన్స్ రామ్ ఇటీవల కోర్టుని ఆశ్రయించినట్లు తెలుస్తోంది.