అర్ధరాత్రి అదిరింది.. నీతో సాయంత్రం.. ప్రముఖ గాయకుడితో రాయ్ లక్ష్మీ!

అర్ధరాత్రి పార్టీలో అకాన్‌తో

అమెరికాలో పాపులర్ సింగర్ అకాన్ ప్రస్తుతం ఇండియాలో పర్యటిస్తున్నారు. కొద్దికాలంగా పలు ఈవెంట్లు, ఇతర కార్యక్రమాల్లో పాల్గొంటున్నారు. అకాన్ బిజీ షెడ్యూల్‌‌ను పక్కన పెట్టి రాయ్ లక్ష్మీతో కొంత సమయాన్ని గడపడం క్రేజీగా మారింది. అకాన్‌ను కలుసుకొన్న ఫొటోను ఇన్స్‌టాగ్రామ్‌లో పోస్టు చేశారు.

అకాన్‌ కలిసి చెట్టాపట్టాల్

పాపులర్ సింగర్ అకాన్‌ను కలిసిన సంతోషం రాయ్ లక్ష్మీ ముఖంలో కనిపించింది. అకాన్‌తో చెట్టాపట్టాల్ వేసుకొని నవ్వుతూ ఫొటోకు ఫోజిచ్చింది. అకాన్ వైట్ షర్టు వేసుకోగా, రాయ్ లక్ష్మీ బ్లాక్ డ్రెస్‌లో ఉన్నారు.

2017లో కలిసినప్పటి ఫొటో

2017లో కలిసినప్పటి ఫొటోను అప్పట్లో రాయ్ లక్ష్మీ షేర్ చేసింది. అకాన్ భారత్‌కు రావడం చాలా హ్యాపీగా ఉంది. అర్ధరాత్రి జరిగిన పార్టీ అదిరింది. అక్కడ అకాన్‌ను కలుసుకొన్నాను అని రాయ్ లక్ష్మీ ట్వీట్ చేసింది. మళ్లీ ఇండియాకు త్వరగా రావాలని కోరుకొంటున్నాను అని గతేడాది ట్వీట్‌లో పేర్కొన్నది.

ఏడు సినిమాలతో బిజీ బిజీగా

గతేడాది జూలీ2 చిత్రంలో నటించిన బాలీవుడ్‌లో అదృష్టాన్ని పరీక్షించుకొన్నది. ఆ సినిమా బాక్సాఫీస్ వద్ద బోల్తా కొట్టడంతో మళ్లీ దక్షిణాది ముఖం చూసింది. ప్రస్తుతం రాయ్ లక్ష్మీ చేతిలో ఏడు సినిమాలు ఉన్నాయి. తమిళంలో నేయా2, యార్, ఝాన్సీ, సిండ్రెల్లా లాంటి చిత్రాల్లో నటిస్తున్నది.