హాలీవుడ్ రేంజ్‌లో తీయడం కాదు.. ముందు అది తెలుసుకోవాలి.. దర్శకుడు శంకర్‌పై రాధారవి ఫైర్

ముగ్గురు వ్యక్తుల దుర్మరణం..

భారతీయుడు 2 సినిమా షూటింగ్‌ చెన్నైలోని ఈవీపీ స్టూడియోలో జరుగుతుండగా.. 150 అడుగుల ఎత్తు నుంచి క్రేన్ తెగి కింద పడటంతో ఘోర ప్రమాదం చోటు చేసుకుంది. ఈ ప్రమాదంలో ముగ్గురు వ్యక్తులు అక్కడికక్కడే మృతిచెందారు. డైరెక్టర్ శంకర్ పర్సనల్ అసిస్టెంట్ మధు (29), అసిస్టెంట్ డైరెక్టర్ సాయి కృష్ణ (34), మరో సహాయకుడు చంద్రన్ మృతి చెందినట్లు నిర్మాణ సంస్థ వెల్లడించింది.

శంకర్‌కూ గాయాలు..

అయితే ఈ ప్రమాదంతో దర్శకుడు శంకర్‌కూ గాయాలయ్యాయని వార్తలు వచ్చాయి. కాజల్ అగర్వాల్ కూడా సెకన్‌లో తప్పించుకున్నానని తెలిపింది. దాదాపు పది మందికి తీవ్ర గాయాలయ్యాని తెలిపారు. ఈ ఘటనతో కోలీవుడ్, టాలీవుడ్ మొత్తం ఒక్కసారి ఉలిక్కిపడింది.

కోటి విరాళం..

ఈ ఘటనపై తీవ్ర విచారం వ్యక్తం చేసిన కమల్ హాసన్ కన్నీటి పర్యంతమయ్యాడు. మృతుల కుటుంబాలకు కోటి రూపాయాల విరాళాన్ని ప్రకటించారు. కమల్ నిర్ణయాన్ని అందరూ హర్షించారు. అయితే ఈ ఘటనపై కోలీవుడ్ చాలా సీరియస్ అయిందని టాక్.

Recommended Video

#Indian2 Sets Video : Kamal Haasan's 'Bharateeyudu 2' Sets Crane Mishap | Filmibeat Telugu

రాధారవి ఫైర్..

డబ్బింగ్ యూనియన్ అధ్యక్షుడు రాధారవి ఓ ఈవెంట్‌లో మాట్లాడుతూ.. ఈ ప్రమాదంపై స్పందించాడు. హాలీవుడ్ రేంజ్‌లో సినిమాలు తీయడం కాదు.. తన సెట్‌లో పని చేసేవారి జాగ్రత్తలను ముందు చూసుకోవాలంటూ పరోక్షంగా శంకర్‌పై కామెంట్ చేశారు. కమల్ హాసన్ కోటి రూపాయలు ప్రకటించడంపై హర్షం వ్యక్తం చేశాడు.