కేసు నమోదు చేసేందుకు బయలుదేరిన హిజ్రాలు.. లారెన్స్ ఏం చేశాడో తెలుసా!

కాంచన తర్వాత

లారెన్స్ డాన్సులకు, నటనకు సౌత్ లో అభిమానులు ఉన్నారు. లారెన్స్ చేస్తున్న సేవాకార్యక్రమాలతో దివ్యాంగులు కూడా అతడిని అభిమానిస్తారు. ఇక కాంచన చిత్రం తర్వాత హిజ్రాలు కూడా లారెన్స్ కు ఫాన్స్ గా మారిపోయారు. సౌత్ లో కాంచన సిరీస్ కు విపరీతమైన క్రేజ్ నెలకొని ఉంది. కాంచన 3 చిత్రానికి కాస్త డివైడ్ టాక్ వచిన్నప్పటికీ వసూళ్లు మాత్రం అదిరిపోతున్నాయి. ఇదిలా ఉండగా లారెన్స్, నాన్ తమిళర్ కట్చి' పార్టీ చీఫ్ కన్వీనర్ అయిన సీమాన్ మధ్య వివాదం రోజు రోజూకుగా హాట్ టాపిక్ గా మారుతోంది.

లారెన్స్ కోసం

లారెన్స్ పై అనుచిత వ్యాఖ్యలతో రెచ్చిపోతున్న సీమాన్ కు బుద్ది చెప్పడానికి లారెన్స్ అభిమానులు సిద్ధం అయ్యారు. సీమాన్ పై కేసు నమోదు చేసేందుకు పేద ఎత్తున హిజ్రాలు, దివ్యాంగులు చెన్నై పోలీస్ కమిషనర్ కార్యలయానికి వెళ్లేందుకు సిద్ధం అయినట్లు తెలుస్తోంది. లారెన్స్ పై వివాదాస్పద వ్యాఖ్యలు చేయడమే కాక అతడి అభిమానులుగా ఉన్న దివ్యాంగులు, హిజ్రాలపై నాన్ తమిళర్ కట్చి పార్టీ కార్యకర్తలు దాడులు జరుపుతున్నట్లు తెలుస్తోంది.

సహనం పాటించండి

ఇంత పెద్ద వివాదం జరుగుతున్నా లారెన్స్ మాత్రం సహనం కోల్పోవడం లేదు. తన అభిమానులు కూడా సహనం పాటించాలని లారెన్స్ తాజాగా చేసిన వ్యాఖ్యలకు ప్రశంసలు లభిస్తున్నాయి. నా తరుపున హిజ్రాలు, దివ్యాంగులు చెన్నై పోలీస్ కమిషనర్ కార్యాలయంలో కొందరిపై కేసు నమోదు చేయడానికి సిద్దమైనట్లు తెలిసింది. దయచేసి అలాంటి పని చేయవద్దు. మనం మంచినే కోరుకుందాం. నాపై విమర్శలు చేస్తున్న వారిని వారి ఇష్టానికే వదిలేయండి అని లారెన్స్ ఓ ప్రకటనలో తెలిపాడు.

చిన్న సమస్య అని తెలియగానే

నాకు చిన్న సమస్య వచ్చిందని తెలియగానే అండగా నిలబడేందుకు మీరంతా పరిగెత్తుకుని వచ్చారు. ఆ అభిమానం చాలు. మీ అందరికి ధన్యవాదాలు తెలుపుతున్నా. ప్రస్తుతం నేను కాంచన హిందీ చిత్ర రీమేక్ లో బిజీగా ఉన్నా. షూటింగ్ పూర్తి కాగానే ఈ వివాదంపై ఓ నిర్ణయం తీసుకుంటా. భగవంతుడు మనకి మంచే చేస్తాడు. మనకు చెడు చేయాలని భావించే వారికి కూడా మంచి జరగాలని దేవుడిని ప్రార్థిద్దాం అని లారెన్స్ పేర్కొన్నాడు. గతంలో సీమాన్ విమర్శలపై స్పందించిన లారెన్స్.. నాకు రాజకీయాలు తెలియవు.. దయచేసి నేర్చుకునేలా చేయవద్దు అని వార్నింగ్ ఇచ్చాడు.